Live Updates

راولپنڈی میں شدید آندھی، پی ایس ایل 10 کے انتہائی اہم میچ کا ٹاس تاخیر کا شکار

پشاور زلمی اور لاہور قلندرز کے میچ کی پچ کو کورز سے ڈھانپ دیا گیا، شہر کے مختلف علاقوں میں بارش

ساجد علی اتوار 18 مئی 2025 19:38

راولپنڈی میں شدید آندھی، پی ایس ایل 10 کے انتہائی اہم میچ کا ٹاس تاخیر ..

راولپنڈی ( اردو پوائنٹ تازہ ترین اخبار ۔ 18 مئی 2025ء ) راولپنڈی میں شدید آندھی کے باعث پی ایس ایل 10 کے انتہائی اہم میچ کا ٹاس تاخیر کا شکار ہوگیا، پشاور زلمی اور لاہور قلندرز کے میچ کی پچ کو کورز سے ڈھانپ دیا گیا جب کہ شہر کے مختلف علاقوں میں بارش بھی شروع ہوگئی۔ قبل ازیں آج کھیلے گئے پی ایس ایل کے 28ویں میچ میں حسن نواز کی شاندار باری کی بدولت کوئٹہ گلیڈی ایٹرز نے ملتان سلطانز کو 2 وکٹوں سے شکست دیدی، راولپنڈی میں کھیلے جارہے میچ میں ملتان سلطانز نے کوئٹہ گلیڈی ایٹرز کو جیت کیلئے 186 رنز کا ہدف دیا تھا، ملتان سلطانز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 185 رنز بنائے تھے۔

ملتان سلطانز کے کپتان محمد رضوان 4 رنز کے مہمان ثابت ہوئے، اوپنر یاسر خان 45 اور جہانزیب سلطانز 25 رنز بناکر نمایاں رہے، طیب طاہر 36، شاہد عزیز 29، ہمایوں الطاف 16 اور پیٹر ہیٹزوغلو ایک رن بناکر آؤٹ ہوئے جب کہ کوئٹہ گلیڈی ایٹرز کی جانب سے عثمان طارق نے تین، محمد وسیم، ابرار احمد، فہیم اشرف اور خرم شہزاد نے ایک ایک وکٹ حاصل کی۔

(جاری ہے)

کوئٹہ گلیڈی ایٹرز نے دلچسپ مقابلے کے بعد 186رنزکا ہدف آخری گیند پر حاصل کیا، کوئٹہ نے 20 اوورز میں 8 وکٹ کے نقصان پر ہدف پورا کیا، کوئٹہ کی جانب سے حسن نواز نے ناقابل شکست 67 رنز بنائے، انہوں نے آخری گیند پر چھکا لگا کر ٹیم کو فتح دلوائی، علاوہ ازیں خواجہ نافع نے 57 رنز کی اننگ کھیلی جب کہ ملتان سلطانز کی جانب سے شاہد عزیز نے 3 وکٹیں حاصل کیں۔