محکمہ زراعت پنجاب نے آم کے باغات کے تحفظ کیلئے حکمت عملی جاری کر دی

اتوار 18 مئی 2025 17:10

ملتان (اُردو پوائنٹ اخبارتازہ ترین - اے پی پی۔ 18 مئی2025ء) محکمہ زراعت پنجاب نے آم کے باغات کے تحفظ کیلئے حکمت عملی جاری کر دی ۔ ترجمان محکمہ زراعت کے مطابق باغبان آم کے باغات کی 12 یا 14 دن کے وقفے سے زمینی اور موسمی حالات کو مدنظر رکھتے ہوئے آب پاشی کریں۔

(جاری ہے)

پھل کی مکھی کے انسداد کے لیے چھ پھندے فی ایکٹر لگائیں پھندے میں روئی کا زہر آلود تو نبہ ہر پندرہ دن بعد پھل توڑنے تک تبدیل کرتے رہیں اور گرے ہوئے پھل کو جمع کر کے زمین میں دبا دیں۔

ترجمان محکمہ زراعت نے مزید کہا کہ آم کے پھل کے کیڑے کو روکنے کے لیے زنک سلفیٹ بحساب 200 گرام اور یور یا ایک کلوگرام فی 100لٹر پانی میں ملا کر سپرے کریں۔مزید براں پھل بننے سے لیکر پھل کی برداشت تک انتظر ا کنوز اور پھل کی ڈنڈی کی سڑن کا خطرہ موجود رہتا ہے اس لیے بارش کے بعد ضرورت پڑنے پر پھپھوند کش زہر کے کم از کم دو سپرے کریں