Live Updates

اسلام آبادسمیت کئی شہروں میں موسلادھار بارش، نشیبی علاقے زیر آب، رین ایمرجنسی نافذ

ایبٹ آباد کے علاقے درویش آباد میں بارش کے باعث مکان کی چھت گر گئی، ملبے تلے دب کر 2 بچیاں جاں بحق

بدھ 30 جولائی 2025 13:26

اسلام آبادسمیت کئی شہروں میں موسلادھار بارش، نشیبی علاقے زیر آب، ..

اسلام آباد،راولپنڈی،لاہور(اُردو پوائنٹ اخبارتازہ ترین - این این آئی۔ 30 جولائی2025ء) مون سون بارشوں کا سپیل برقرار ہے، ملک کے مختلف شہروں میں بادل برس پڑے۔اسلام آباد، راولپنڈی میں موسلادھار بارش ہوئی، نشیبی علاقے زیر آب آگئے، واسا نے ہائی الرٹ جاری کرتے ہوئے رین ایمرجنسی نافذ کردی، راولپنڈی میں سب سے زیادہ بارش ہوئی، سید پور میں 90 ملی میٹر ریکارڈ کی گئی، شمس آباد میں 80، کٹاریاں 78،،پی ایم ڈی 55 اور پیر ودھائی،52 ملی میٹر بارش ریکارڈ کی گئی۔

(جاری ہے)

مردان، سوات، ایبٹ آباد، مظفرآباد اور دیگر شہروں میں بھی بادل برسے، ہری پورمیں نشیبی علاقے زیرآب آگئے، پانی گھروں میں داخل ہوگیا، کالا باغ میں بھی موسلادھار بارش ہوئی، ندی نالوں میں طغیانی آگئی، پنجاب اور کے پی میں بارشوں سے سیلاب اور لینڈ سلائیڈنگ کا خدشہ بڑھ گیا۔بارشوں سے پہاڑی علاقوں کے برساتی نالوں میں تیز بہاؤ کا امکان بڑھ گیا، ایبٹ آباد کے علاقے درویش آباد میں بارش کے باعث مکان کی چھت گر گئی، ملبے تلے دب کر 2 بچیاں جاں بحق ہوگئیں۔