Eوزیراعلی پنجاب کا وژن "محفوظ پنجاب"

ًمحکمہ داخلہ نے تمام گیسٹ ہاؤسز کیلئے ’’Hotel Eye‘‘ سافٹ وئیر میں اندارج لازمی قرار دیدیا ژمحکمہ داخلہ نے ’’ہوٹل آئی‘‘ پر رجسٹریشن کیلئے 15جون 2025 کی ڈیڈ لائن دی ہے للهملکی اور غیر ملکی رہائشیوں کی ڈیجیٹل تصدیق سے جرائم کے خاتمے میں مدد ملے گی: ترجمان محکمہ داخلہ پنجاب

بدھ 21 مئی 2025 19:50

لاہور (اُردو پوائنٹ اخبارتازہ ترین - آن لائن۔ 21 مئی2025ء) وزیراعلیٰ پنجاب کے وژن "محفوظ پنجاب" کو عملی جامہ پہنانے کیلئے اور جرائم کی روک تھام کیلئے حکومت پنجاب کا بڑا فیصلہ، محکمہ داخلہ نے تمام گیسٹ ہاؤسز کیلئے ’’Hotel Eye‘‘ سافٹ وئیر میں اندارج لازمی قرار دیدیا۔ ترجمان محکمہ داخلہ پنجاب کے مطابق یہ فیصلہ دہشت گردی، جرائم اور غیر قانونی سرگرمیوں کی روک تھام کیلئے کیا گیا۔

فیصلے کے مطابق صوبہ بھر کے نجی گیسٹ ہاؤسز میں قیام کرنے والے افراد کا ڈیٹا "ہوٹل آئی" میں درج کرنا ہوگا۔ ملکی اور غیر ملکی رہائشیوں کی ڈیجیٹل تصدیق سے جرائم کے خاتمے میں مدد ملے گی۔ محکمہ داخلہ پنجاب نے تمام گیسٹ ہاؤسز اور رہائشی سروسز مہیا کرنے والوں کی رجسٹریشن کیلئے آن لائن پورٹل http://hoteleye.punjab.gov.pk جاری کرتے ہوئے رجسٹریشن کا آغاز کر دیا ہے۔

(جاری ہے)

نجی گیسٹ ہاؤسز کے مالکان اس پورٹل پر اپنے لاگ ان سے مہمانوں کی معلومات فراہم کریں گے۔ محکمہ داخلہ پنجاب نے ’’ہوٹل آئی‘‘ پر رجسٹریشن کیلئے 15جون 2025 تک کی ڈیڈ لائن دی ہے۔ یاد رہے کہ دنیا بھر میں چلنے والی آن لائن بکنگ ایپلیکیشنز سے بکنگ کروانے والوں کی بھی گیسٹ ہاؤس میں آمد پر بھی ہوٹل آئی سافٹ ویئر پر رجسٹریشن کروانا ہوگی۔

رجسٹریشن نہ کروانے والے گیسٹ ہاؤسز کیخلاف ’’پنجاب انفارمیشن آف ٹمپریری ریذیڈنس ایکٹ 2015‘‘ کے تحت کاروائی ہوگی۔ اس سے قبل پنجاب میں صرف رجسٹرڈ ہوٹلز ہی ’’ہوٹل آئی‘‘ سافٹ وئیر سے منسلک تھے۔ ترجمان محکمہ داخلہ پنجاب نے بتایا کہ بیرون ملک اور اندرون ملک سے متعدد افراد پنجاب کے گیسٹ ہاؤسز میں قیام کرتے ہیں۔ رہائیشیوں کی ڈیجیٹل تصدیق سے جرائم پیشہ عناصر پر شکنجہ مضبوط ہوگا اور امن و امان کے قیام میں مدد ملے گی۔

Facebook Twitter Google + Share on Whatsapp

Eوزیراعلی پنجاب کا وژن "محفوظ پنجاب"

متعلقہ عنوان :

مزید قومی خبریں