انڈین پریمیئرلیگ ، پنجاب کنگز اور دہلی کیپٹلز کی ٹیموں کے درمیان 66واں میچ (کل )کھیلا جائے گا

جمعہ 23 مئی 2025 17:54

جے پور(اُردو پوائنٹ اخبارتازہ ترین - این این آئی۔ 23 مئی2025ء)بورڈ آف کنٹرول فار کرکٹ ان انڈیا (بی سی سی آئی )کے زیراہتمام انڈین پریمیئر لیگ (آئی پی ایل) کے 18واں ایڈیشن میں (کل) ہفتہ کومزید ایک میچ کھیلا جائے گا۔لیگ کا 66واں میچ پنجاب کنگز اور دہلی کیپٹلز کی ٹیموں کے درمیان سوائی مان سنگھ سٹیڈیم، جے پور میں کھیلا جائے گا۔پنجاب کنگز کی ٹیم کو مایہ ناز بلے باز شریاس آئیر لیڈ کریں گے جبکہ دہلی کیپٹلز کو مایہ ناز آل رائونڈر اکشر پٹیل لیڈ کریں گے۔

پنجاب کنگز کی ٹیم 17 پوائنٹس کے ساتھ ٹیبل پر تیسری پوزیشن پر ہے جبکہ دہلی کیپٹلز کی ٹیم جو ناک آئوٹ رائونڈ کے لئے بھی کوالیفائی نہیں کر پائی ہے 13پوائنٹس کے ساتھ پانچویں نمبر پر ہے۔ لیگ کے 18ویں ایڈیشن میں شامل 10 ٹیموں کیدرمیان فائنل سمیت مجموعی طور پر74میچ کھیلے جائیں گے۔

(جاری ہے)

لیگ میں کولکتہ نائٹ رائیڈرز کی ٹیم ٹائٹل کا دفاع کے لئے کوشاں ہے۔

لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھنؤ سپر جائنٹس شامل ہیں۔واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا،آئی پی ایل کا فائنل میچ بھی کولکتہ میں 25 مئی کو شیڈول ہے۔