Live Updates

لاہور قلندرز اسلام آباد یونائیٹڈ کو اچھا ہدف دینے میں کامیاب

لاہور کے قذافی اسٹیڈیم میں پی ایس ایل 10 کے فائنل میں پہنچنے کی جنگ جاری، دفاعی چیمپئنز قلندرز کے بلے بازوں کو روکنے میں ناکام رہے

محمد علی جمعہ 23 مئی 2025 21:21

لاہور(اردوپوائنٹ اخبار تازہ ترین۔23 مئی 2025)لاہور قلندرز اسلام آباد یونائیٹڈ کو اچھا ہدف دینے میں کامیاب، لاہور کے قذافی اسٹیڈیم میں پی ایس ایل 10 کے فائنل میں پہنچنے کی جنگ جاری، دفاعی چیمپئنز قلندرز کے بلے بازوں کو روکنے میں ناکام رہے۔ لاہور قلندرز نے اسلام آباد یونائیٹڈ کیخلاف ٹاس جیتا۔ لاہور قلندرز نے اسلام آباد یونائیٹڈ کے خلاف ٹاس جیت کر بیٹنگ کا فیصلہ کیا۔

(جاری ہے)

میچ قذافی سٹیڈیم لاہور میں کھیلا جارہا ہے۔ لاہور قلندرز پہلے بیٹنگ کرتے ہوئے مقررہ 20 اوورز میں 202 رنز بنانے میں کامیاب رہے۔ محمد نعیم اور پریرا کی جانب سے شاندار نصف سینچریاں اسکور کی گئیں۔ واضح رہے کہ آج کا میچ اس لیے بھی اہمیت کا حامل ہے کہ دونوں ٹیمیں فائنل تک رسائی کیلئے میدان میں اتری ہیں۔ لاہور قلندرز اپنے تجربہ کار سکواڈ اور جارحانہ حکمت عملی کے ساتھ میدان میں اتری ہے جبکہ اسلام آباد یونائیٹڈ بھی اپنی بیٹنگ اور باؤلنگ کی مضبوطی پر بھروسہ کئے ہوئے ہے۔