ہیمبرگ اوپن ٹینس، سیمون بولیلی اور اینڈریا واواسوری پر مشتمل تھرڈ سیڈڈ جوڑی مینز ڈبلزسیمی فائنل میں پہنچ گئی

جمعہ 23 مئی 2025 17:54

ہیمبرگ(اُردو پوائنٹ اخبارتازہ ترین - این این آئی۔ 23 مئی2025ء)اٹلی کے ٹینس سٹار سیمون بولیلی اور ان کے ہم وطن جوڑی دار اینڈریا واواسوری پر مشتمل اٹلی کی تھرڈ سیڈڈ جوڑی اپنی فتوحات کو برقرار رکھتے ہوئے اے ٹی پی ہیمبرگ اوپن ٹینس ٹورنامنٹ مینز ڈبلز سیمی فائنل میں پہنچ گئی۔سیمون بولیلی اور اینڈریا واواسوری پر مشتمل اٹلی کی تھرڈ سیڈڈ جوڑی نے مردوں کے ڈبلز مقالوں کے کوارٹر فائنل رائونڈ میچ میں انگلینڈکے ٹینس سٹار جمی مرے اور ان کے امریکی جوڑی دار راجیو رام کو شکست دی۔

(جاری ہے)

اے ٹی پی کے زیر اہتمام ہیمبرگ اوپن ٹینس کے دلچسپ مقابلے جرمنی کے مشہور شہر ہیمبرگ میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔مینز ڈبلز مقابلوں کے کوارٹر فائنل رائونڈ میچ میں اٹلی کے ٹینس سٹار سیمون بولیلی اور ان کے ہم وطن جوڑی دار اینڈریا واواسوری پر مشتمل اٹلی کی تھرڈ سیڈڈ جوڑی نے عمدہ کارکردگی کا مظاہرہ کرتے ہوئے حریف انگلینڈکے ٹینس سٹار جمی مرے اور ان کے امریکی جوڑی دار راجیو رام کو2-6،6-3 اور 5-10سے ہرا کر سیمی فائنل کے لئے کوالیفائی کر لیا ، جہاں فاتح جوڑی کا مقابلہ جو سیلسبری اور نیل سکوپسکی پر مشتمل برطانوی جوڑی سے مقابلہ ہوگا۔