Live Updates

پی ایس ایل ایلیمینیٹر: لاہور قلندرز یونائیٹڈ کو شکست دیکر فائنل میں پہنچ گئی

ناک آوٹ مقابلے میں یونائیٹڈ کی ٹیم 16 ویں اوور میں 107 رنز بنا کر ڈھیر ہوگئی

ہفتہ 24 مئی 2025 19:28

پی ایس ایل ایلیمینیٹر: لاہور قلندرز یونائیٹڈ کو شکست دیکر فائنل میں ..

لاہور(اُردو پوائنٹ اخبارتازہ ترین - آن لائن۔ 24 مئی2025ء) ایچ بی ایل پی ایس ایل 10 کے دوسرے ایلیمینیٹر میں لاہور قلندرز نے اسلام آباد یونائیٹڈ کو 95 رنز سے شکست دے کر فائنل کے لیے کوالیفائی کر لیا۔قذافی اسٹیڈیم لاہور میں کھیلے گئے ناک آوٹ مقابلے میں یونائیٹڈ کی ٹیم 16 ویں اوور میں 107 رنز بنا کر ڈھیر ہوگئی۔سلمان آغا 33، کپتان شاداب خان 26، جیمی نیشم 8، عماد وسیم 8، وین ڈر ڈوسین 7، ٹائمل ملز 7، حیدر علی 4، صاحبزادہ فرحان 3 جبکہ نسیم شاہ اور محمد شہزاد بغیر کوئی رن بنائے آوٹ ہوئے۔

قلندرز کی جانب سے کپتان شاہین شاہ آفریدی، سلمان مرزا اور رشاد حسین نے 3، 3 کھلاڑیوں کو آوٹ کیا۔اس سے قبل لاہور قلندرز نے ٹاس جیت کر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 202 رنز اسکور کیے۔

(جاری ہے)

قلندرز کی جانب سے کوشل پریرا 61 رنز بنا کر نمایاں رہے۔ محمد نعیم 50، عبداللہ شفیق 25، بھانوکا راجاپکشا 22، آصف علی 15، فخر زمان 12 جبکہ شکیب الحسن بغیر کوئی رن بنائے آوٹ ہوئے۔

رشاد حسین 5 اور کپتان شاہین شاہ آفریدی 0 رن پر ناٹ آٹ پویلین لوٹے۔اسلام آباد یونائیٹڈ کی جانب سے ٹائمل ملز نے 3، سلمان ارشاد نے 2 جبکہ عماد وسیم اور جیمی نیشم نے 1، 1 کھلاڑی کو آوٹ کیا۔لاہور قلندرز اور کوئٹہ گلیڈی ایٹرز کے درمیان فائنل 25 مئی بروز اتوار کو قذافی اسٹیڈیم لاہور میں کھیلا جائے گا۔