شاداب خان نے شکست کا ملبہ ’گرم موسم‘ پر ڈال دیا

فاسٹ بولرز کے لیے ایسے موسم میں مسلسل میچز کھیلنا آسان نہیں، مجھے لگتا ہے کہ لاہور کا سٹیڈیم ہم پر بھاری پڑ گیا ہے : کپتان اسلام آباد یونائیٹڈ

ذیشان مہتاب ہفتہ 24 مئی 2025 12:00

شاداب خان نے شکست کا ملبہ ’گرم موسم‘ پر ڈال دیا

لاہور (اردو پوائنٹ تازہ ترین اخبار ۔ 24 مئی 2025ء ) اسلام آباد یونائیٹڈ کے کپتان شاداب خان نے ایلیمنیٹر 2 میں قلندرز کے خلاف شکست کا ملبہ ’گرم موسم‘ پر ڈال دیا۔

لاہور قلندرز سے شکست کے بعد یونائیٹڈ کے کپتان شاداب خان نے کہا کہ لاہور کا موسم بہتت گرم تھا جس کی وجہ سے مشکلات کا سامنا رہا، فاسٹ بولرز کے لیے ایسے موسم میں مسلسل میچز کھیلنا آسان نہیں، مجھے لگتا ہے کہ لاہور کا اسٹیڈیم ہم پر بھاری پڑ گیا ہے۔

(جاری ہے)

انہوں نے کہا کہ ابھی تک سمجھ نہیں ائی کہ ہم لاہور میں کیوں ہارتے جارہے ہیں، اگلی بار لاہور کے کنڈیشنز دیکھ کر ٹیم کے کھلاڑیوں کا انتخاب کریں گے۔

شاداب خان نے کہا کہ غیرملکی کھلاڑیوں کی دستیابی کا مسئلہ صرف ہمیں نہیں، سب کو ہی رہا ہے۔

اسلام یونائیٹڈ کے کپتان نے کہا کہ ٹی 20 کرکٹ میں مومنٹم کا ہونا بہت ضروری ہوتا ہے، پورے ٹورنامنٹ میں سیکھنے کو بہت کچھ ملا، پلے آف مرحلے میں ہم اپنے پلان پر عمل نہیں کرسکے۔

انہوں نے کہا کہ کوشش کریں گے اگلے سیزن میں بہتر حکمت عملی کے ساتھ اتریں، آج پچ 170 سے 180 رنز والی تھی ہمارے بولرز نے زیادہ رنز دیے، کوشل پریرا نے زبردست اننگز کھیلی جس کی وجہ سے 200 رنز بن گئے۔