شمالی کوریا،بحری جنگی جہاز حادثے کے بعد انتظامیہ کو حراست میں لے لیا گیا

کم جونگ ان کاحکومتی پارٹی کی اگلی میٹنگ سے پہلے جہاز دوبارہ بحال کرنے کاحکم

اتوار 25 مئی 2025 12:55

پیانگ یانگ(اُردو پوائنٹ اخبارتازہ ترین - این این آئی۔ 25 مئی2025ء)شمالی کوریا میں سمندر میں جنگی جہاز اتارنے کی تقریب کے دوران پیش آنے والے حادثے میں ملوث افراد کے خلاف کارروائی شروع کردی گئی۔

(جاری ہے)

غیرملکی میڈیا کے مطابق 5 ہزار ٹن وزنی بحری جنگی جہاز کو سمندر میں اتارے جانے کی تقریب میں شمالی کوریا کے سربراہ کم جونگ ان مہمان خصوصی تھے، جہاز کی لانچنگ کے دوران پیش آنے والا سنگین حادثہ شمالی کوریا کیلئے جگ ہنسائی کا سبب بنا تھا۔غیرملکی میڈیا کے مطابق تحقیقات کے بعد جہاز بنانے والے شپ یارڈ کے چیف انجینئر سمیت دیگر اہم شخصیات کو حراست میں لیا گیا ہے۔شمالی کوریا کے سربراہ کم جونگ ان نے حکم دیا کہ حکومتی پارٹی کی اگلی میٹنگ سے پہلے یہ جہاز دوبارہ بحال کیا جائے۔