سرکاری رہائشی منصوبوں سے تجاوزات کا خاتمہ اولین ترجیح ہے،تجاوزات کے خلاف زیرو ٹالرینس پالیسی پر عمل درآمد جاری، کرنل (ر) اظہر سعید

اتوار 25 مئی 2025 14:50

اسلام آباد (اُردو پوائنٹ اخبارتازہ ترین - اے پی پی۔ 25 مئی2025ء) فیڈرل گورنمنٹ ایمپلائز ہاوسنگ اتھارٹی (ایف جی ای ایچ اے) کے ڈائریکٹر انفورسمنٹ اینڈ ویجیلنس کرنل (ر) اظہر سعید نے کہاہے کہ سرکاری رہائشی منصوبوں سے تجاوزات کا خاتمہ اولین ترجیح ہے اور اس ضمن میں تجاوزات کے خلاف زیرو ٹالرینس پالیسی پر عمل درآمد جاری ہے ۔ اتوار کو یہاں ’’اے پی پی ‘‘ سے بات چیت کرتے ہوئے انہوں نے کہاکہ ڈی جی ایف جی ای ایچ اے کیپٹن (ر) محمد ظفر اقبال کے وژن کے مطابق تجاوزات کے خلاف بلاامتیاز کارروائیاں جاری ہیں اور اس حوالے سے ونگ کے تمام افسران کو بلاتفریق انسداد تجاوزات آپریشن جاری رکھنے کی ہدایات کی گئی ہیں ۔

فیڈرل گورنمنٹ ایمپلائز ہاوسنگ اتھارٹی کے انفورسمنٹ اینڈ ویجی لینس ونگ کے سسٹنٹ ڈائریکٹر داﺅد کاکڑ نے قومی خبر رساں ایجنسی کو بتایاکہ سیکٹر جی ۔

(جاری ہے)

13اور14کے تجارتی مراکز کو تجاوزات سے پاک کردیاگیا ہے ۔ انفورسمنٹ اینڈ ویجی لینس ونگ نے سیکٹر جی ۔13اور14 کے کمرشل علاقوں میں تجاوزات کے خلاف ایک ہفتہ کریک ڈاﺅن جاری رکھا جس کے دوران عوامی راستوں اور تجارتی مقامات پر قبضہ شدہ غیر قانونی تعمیرات، سٹالز اور تجاوزات کو ہٹایا گیا ۔

انہوں نے بتایاکہ انسداد تجاوزات آپریشن کے دوران ضبط شدہ سامان کی نیلامی کی جائے گی ۔ تاجر برادری کو قواعد و ضوابط پر سختی سے عمل کرنے کی تلقین کی جاتی ہے اور واضح کیا جاتا ہے کہ مستقبل میں خلاف ورزیوں اور تجاوزات پر کسی قسم کا سمجھوتہ نہیں کیا جائے گا۔ تجاوزات کے خاتمے کے لیے آپریشن جاری رکھاجائے گا ۔Exclusive

Facebook Twitter Google + Share on Whatsapp

سرکاری رہائشی منصوبوں سے تجاوزات کا خاتمہ اولین ترجیح ہے،تجاوزات کے خلاف زیرو ٹالرینس پالیسی پر عمل درآمد جاری، کرنل (ر) اظہر سعید

متعلقہ عنوان :

مزید قومی خبریں