مٹیاری ضلع میں بلاک شناختی کارڈز کی کلیئرنس سے متعلق ڈی ایل سی کمیٹی کے اجلاس کا انعقاد

پیر 26 مئی 2025 16:48

حیدرآباد (اُردو پوائنٹ اخبارتازہ ترین - اے پی پی۔ 26 مئی2025ء) ایڈیشنل ڈپٹی کمشنر-II مٹیاری اقرا جنت کی زیر صدارت ضلع میں بلاک شناختی کارڈز کی کلیئرنس سے متعلق ڈی ایل سی کمیٹی کا اجلاس منعقد ہوا۔

(جاری ہے)

اجلاس میں اسسٹنٹ کمشنر مٹیاری عبدالستار شیخ ، اسسٹنٹ کمشنر ہالا ڈاکٹر مظاہر ، اسسٹنٹ کمشنر سعیدآباد شاہ رخ، پولیس ہیڈکوارٹر کے ڈی ایس پی اعظم مرزا، انچارج ڈی آئی بی رضوان بھٹی، اے ڈی زون نادرا فیصل علی چانڈیو اور انسپکٹر آئی ایس آئی آفتاب احمد سمیت متعلقہ محکموں کے افسران اور متاثرہ لوگوں نے شرکت کی۔

اس موقع پر اقرا جنت نے کہا کہ بلاک شناختی کارڈز کی کلیئرنس کا عمل شفاف اور میرٹ کی بنیاد پر مکمل کیا جائے گا۔ انہوں نے کہا کہ ہر کیس پر متعلقہ ادارے کی رپورٹس اور فیڈ بیک کی بنیاد پر فیصلہ کیا جائے گا تاکہ کسی کے ساتھ ناانصافی نہ ہو۔ مزید برآں اجلاس میں تمام مختیارکاروں کو ہدایت دی گئی کہ وہ ایسے افراد کی فہرست، جن کے شناختی کارڈ بلاک ہیں، اپنے ہمراہ نوٹسز اور متعلقہ تیپیداروں کی رپورٹس کے ساتھ اجلاس میں پیش کریں تاکہ کارروائی جلد مکمل کی جا سکے۔