غزہ میں11ہفتوں سے امدادی ٹرک داخل نہیں ہو سکے،عالمی ادارہ صحت

ہم صرف فوری امدادی کارروائیوں پر ہی فکرمند نہیں بلکہ اس کے نتائج پر بھی شدید تشویش لاحق ہے،حنان بلخی

منگل 27 مئی 2025 16:37

جنیوا(اُردو پوائنٹ اخبارتازہ ترین - این این آئی۔ 27 مئی2025ء) عالمی ادارہ صحت نے خبردار کیا ہے کہ غزہ میں طبی صورتحال انتہائی تشویشناک ہو چکی ہے، جہاں بیشتر طبی سازوسامان ختم ہو چکا ہے اور 42 فیصد بنیادی ادویات، جن میں درد کم کرنے والی ادویات بھی شامل ہیں ناپید ہو چکی ہیں۔

(جاری ہے)

میڈیارپورٹس کے مطابق مشرقِ وسطی کے لیے عالمی ادارہ صحت کی علاقائی ڈائریکٹر ڈاکٹر حنان بلخی نے جنیوا میں ایک پریس کانفرنس کے دوران بتایا کہ گذشتہ 11 ہفتوں کے دوران تنظیم کا کوئی بھی امدادی ٹرک غزہ میں داخل نہیں ہو سکا، حالانکہ کچھ امدادی سامان حالیہ دنوں میں محدود پیمانے پر غزہ میں داخل ہونے لگا ہے۔

ڈاکٹر حنان بلخی نے کہا کہ "صورتحال نہایت ہولناک ہے۔ ہم صرف فوری امدادی کارروائیوں پر ہی فکرمند نہیں بلکہ اس کے نسلوں پر مرتب ہونے والے نتائج پر بھی شدید تشویش لاحق ہی"۔ان کا کہنا تھا کہ غزہ میں 42 فیصد بنیادی ادویات اور ویکسینز کا ذخیرہ ختم ہو چکا ہے جبکہ 64 فیصد طبی آلات کی دستیابی بھی صفر کے قریب پہنچ چکی ہے۔