خواتین یونیورسٹی میں بی ایس کے طلبا کے سالانہ پراجیکٹس کی نمائش کا انعقاد

منگل 27 مئی 2025 17:00

ملتان (اُردو پوائنٹ اخبارتازہ ترین - اے پی پی۔ 27 مئی2025ء) خواتین یونیورسٹی ملتان کے شعبہ فزکس کے زیراہتمام بی ایس کے طلبا کے سالانہ پراجیکٹس کی نمائش کا انعقاد کیا گیا۔ ترجمان کے مطابق خواتین یونیورسٹی کے شعبہ فزکس میں بی ایس4سالہ پروگرام کی طالبات نے اپنے بنائے ہوئے پراجیکٹس کی نمائش کی جس کا افتتاح پرو وائس چانسلر پروفیسر ڈاکٹرکلثوم پراچہ نے کیا۔

(جاری ہے)

فوکل پرسن ڈاکٹر ملیکہ رانی نےبریفنگ دیتے ہوئے بتایا کہ یہ پراجیکٹس طلباء کی ڈگری مکمل کرنے کے لئے لازمی ہیں جو کہ وہ اپنے آخری آٹھویں سمسٹر میں خود بناتے ہیں ،بی ایس فزکس کی طالبات کے سالانہ پروجیکٹس ایک شاندار شوکیس ہیں جو جدت، تخلیق، اور نئے سائنسی رجحانات کی دریافت کا ذریعہ ہیں ۔پرووائس چانسلر ڈاکٹر کلثوم پراچہ نے کہا کہ ایسے پروجیکٹس بناکر ان کی مارکیٹنگ کرنی چاہیے جس سے طلباء کو روزگار کے ساتھ ساتھ ملکی زر مبادلہ میں بھی اضافہ ہوسکے۔انہوں نےطالبات کی انٹرپرنورئیل سوچ اور ٹیکنیکل مہارت کی تعریف کرتے ہوئے کہا کہ وہ اپنے پراجیکٹس کو عام لوگوں کے لئے قابل استعمال بنائیں ۔ مہمانوں نے پراجیکٹس کا معائنہ بھی کیا اور طالبات کی کاکردگی کو سراہا۔

Facebook Twitter Google + Share on Whatsapp

خواتین یونیورسٹی میں بی ایس کے طلبا کے سالانہ پراجیکٹس کی نمائش کا انعقاد

متعلقہ عنوان :

مزید تعلیم کی خبریں