Live Updates

5 اکتوبر جلاﺅ گھیراﺅ کیس،علیمہ خان اور عظمیٰ خان کی ضمانتوں میں توسیع

عدالت نے عمران خان کی بہنوں کی ایک روزہ حاضری معافی منظور کر لی، اے ٹی سی عدالت کے جج ارشد جاوید نے مقدمات کی سماعت کی

فیصل علوی جمعہ 30 مئی 2025 10:58

5 اکتوبر جلاﺅ گھیراﺅ کیس،علیمہ خان اور عظمیٰ خان کی ضمانتوں میں توسیع

لاہور(اردوپوائنٹ اخبار تازہ ترین۔30 مئی 2025)انسداد دہشت گردی کی عدالت نے 5 اکتوبر کے جلاﺅ گھیراﺅ کیس میں بانی پی ٹی آئی کی بہنوں علیمہ خان اور عظمیٰ خان کی ضمانتوں میں توسیع کر دی ہے،اے ٹی سی عدالت کے جج ارشد جاوید نے مقدمات کی سماعت کی، عدالت نے عمران خان کی بہنوں علیمہ خانم اور عظمیٰ خان کی ایک روزہ حاضری معافی منظور کر لی۔وکلا نے کہا کہ دونوں خواتین فیصل آباد عدالت میں پیش ہوئی ہیں۔

عدالت نے کہا کہ وہ فیصل آباد عدالت میں پیش ہو رہی ہیں تو ٹھیک ہے اگر فیصل آباد میں کوئی کیس نہ ہوا تو ان کی عبوری ضمانتیں خارج کریں گے۔ جھوٹی درخواست دینے پر کارروائی بھی کی جائے گی۔یاد رہے کہ اس سے قبل بھی انسداد دہشت گردی عدالت لاہور نے علیمہ خان اور عظمیٰ خان کی عبوری ضمانتوں میں توسیع کر دی تھی۔

(جاری ہے)

پانچ اکتوبر ، جلاو گھیراو کے دو مقدمات میں بانی پی ٹی آئی عمران خان کی بہنوں علیمہ خانم اور عظمیٰ خان کی عبوری ضمانتوں کیلئے درخواستوں پر سماعت جج ارشد جاوید نے کی تھی۔

بانی پی ٹی آئی کی بہنیں علیمہ اور عظمیٰ خان عدالت میں پیش نہیں ہوئیں تھیں۔ وکلاءنے ایک روزہ حاضری معافی کی درخواست دائر کی جسے عدالت نے منظور کر لیاگیاتھا۔بعدازاںعدالت نے 30 مئی تک عبوری ضمانتوں میں توسیع کر دی تھی۔قبل ازیں بھی عدالت نے عدالت نے سلمان اکرم راجہ اور دیگر کی ضمانتوں میں بھی 17 مئی تک توسیع کر دی تھی۔بانی پی ٹی آئی عمران خان کی ہمشیرہ علیمہ خان کی حاضری سے استثنیٰ اور بیرون ملک جانے کی درخواست خارج کر دی گئیں تھیں۔

انسداد دہشت گردی عدالت راولپنڈی نے علیمہ خان کی دائر درخواست پر محفوظ فیصلہ سنایا تھااور عدالت نے علیمہ خان کی حاضری سے استثنیٰ اور بیرون ملک جانے کی درخواست مسترد کر دی تھی۔بانی پی ٹی آئی کی ہمشیرہ علیمہ خان نے چند روز قبل ہی حاضری سے استثنیٰ اور بیرون ملک جانے کی استدعا کی تھی۔علیمہ خانم، عمران خان اور علی امین گنڈاپور سمیت 200 افراد کے خلاف مقدمہ تھانہ دھمیال میں دہشتگردی اور دیگر دفعات کے تحت مقدمات درج تھے۔