میکسکیو ، منشیات فروش گروہ نے 5موسیقاروں کو قتل کردیاگیا

اغوا ، قتل کے شبے میں بدنام زمانہ گلف کارٹیل کے 9مبینہ ارکان کو گرفتار کیا گیا ،تحقیقات جاری ہیں، میکسیکو حکام

ہفتہ 31 مئی 2025 11:45

میکسیکوسٹی(اُردو پوائنٹ اخبارتازہ ترین - این این آئی۔ 31 مئی2025ء)میکسیکو میں ایک منشیات فروش گروہ نے 5موسیقاروں کو اغوا کرنے کے بعد مبینہ طور پر قتل کردیا۔ غیر ملکی میڈیا کے مطابق پانچوں موسیقاروں کو گزشتہ اتوار امریکی سرحد کے قریب میکسیکو کے شہر رینوسا میں ایک کانسرٹ کیلئے موجود تھے جہاں سے وہ لاپتا ہوگئے۔

(جاری ہے)

رپورٹ کے مطابق میکسیکو کی ریاست تامولیپاس کے اٹارنی جنرل نے بتایا کہ قتل ہونے والے موسیقاروں کو 25مئی کو سفر کے دوران اغوا کیا گیا اور ان کے رشتہ داروں نے تاوان کے مطالبات موصول ہونے کی اطلاع دی تھی۔

اٹارنی جنرل ارونگ بیریوس موجیکا کے مطابق موسیقاروں کے اغوا اور قتل کے شبے میں بدنام زمانہ گلف کارٹیل کے 9مبینہ ارکان کو گرفتار کیا گیا ہے اور ان سے تحقیقات جاری ہیں۔ رپورٹ کے مطابق قتل ہونے والے موسیقاروں کی عمریں 20سے 40سال کے درمیان ہیں اور وہ مقامی سطح پر کنسرٹس اور پارٹیز میں پرفارم کرتے تھے۔