سرگودھا ،زچہ بچہ گورنمنٹ مولابخش ہسپتال کی او پی ڈی کو 5جون تک فعال کرنے کا حکم

ہفتہ 31 مئی 2025 16:15

سرگودھا(اُردو پوائنٹ اخبارتازہ ترین - این این آئی۔ 31 مئی2025ء)سرگودھا شہر کے زچہ بچہ گورنمنٹ مولابخش ہسپتال کی او پی ڈی کو 5جون تک فعال کرنے کا حکم دے دیا گیا۔تفصیلا ت کے مطابق شہر کے زچہ بچہ گورنمنٹ مولا بخش ہسپتال کی او پی ڈی کو 5جون 2025تک مکمل طور پر فعال کرنے کا حکم دیتے ہوئے کمشنر ملک ہانزیب اعوان نے کہا کہ مقررہ تاریخ کو از خود ہسپتال کا معائنہ کر کے تمام فنکشنل امور کا جائزہ لیں گے۔

کمشنر نے او پی ڈی بلاک میں جاری تعمیر و مرمت کے کاموں کا جائزہ لیا اور موقع پرہدایت کی کہ مریضوں کے لیے سازگار، صاف اور آرام دہ ماحول کو یقینی بنایا جائے۔ جن کو بتایا گیا کہ بیشتر تعمیراتی کام مکمل ہو چکا ہے اور صرف لائٹس اور پنکھوں کی تنصیب باقی ہے، جس کو آئندہ تین روز میں مکمل کر لیا جائے گا ۔

(جاری ہے)

ایم ایس ڈاکٹر سعدیہ خان نے بتایا کہ دیگر تمام تعمیراتی اور تزئین و آرائش کے امور مکمل ہو چکے ہیں اور ہسپتال جلد مکمل فعالیت اختیار کر لے گا۔

کمشنر نے افسران کو ہدایت کی کہ تمام کاموں میں شفافیت، معیار اور وقت کی پابندی کو ہر صورت یقینی بنایا جائے اور غفلت یا تاخیر پر سختی سے نمٹا جائے گا۔ انہوں نے افسران کو ہدایت کی کہ تمام ترقیاتی کام مقررہ وقت میں مکمل ہوں اور تعمیراتی معیار پر کسی قسم کا سمجھوتہ نہیں کیا جائے گا۔

Facebook Twitter Google + Share on Whatsapp

سرگودھا ،زچہ بچہ گورنمنٹ مولابخش ہسپتال کی او پی ڈی کو 5جون تک فعال کرنے کا حکم

متعلقہ عنوان :

مزید قومی خبریں