اوگرا نے ایل پی جی کے گھریلو سلنڈر کی قیمت میں 55 روپے کی کمی کردی

گھریلو سلنڈر کی نئی قیمت 2838 روپے اور کمرشل سلنڈر کی قیمت 10920 روپے مقرر کردی گئی ہے، اوگرا کا نوٹیفکیشن جاری

ثنااللہ ناگرہ ہفتہ 31 مئی 2025 21:06

اوگرا نے ایل پی جی کے گھریلو سلنڈر کی قیمت میں 55 روپے کی کمی کردی

اسلام آباد ( اردوپوائنٹ اخبار تازہ ترین۔ آئی پی اے ۔ 31 مئی 2025ء ) وفاقی حکومت نے اوگرا کی سفارش پر جون کے لئے ایل پی جی کی قیمت میں کمی کا نوٹیفیکیشن جاری کر دیا ہے۔ نوٹیفکیشن کے مطابق ایل پی جی کے گھریلو سلنڈ کی قیمت میں 55 روپے اور کمرشل سلنڈرکی قیمت میں 210 روپے کمی کردی گئی ۔ نوٹیفکیشن کے مطابق سرکاری پیداواری قیمت میں 3921 روپے فی میٹرک ٹن کمی ہوئی ہے، اب ایل پی جی 245 روپے فی کلوکی جگہ 241 روپے فی کلو، گھریلو سلنڈر 2893 روپے کی جگہ 2838 روپے، کمرشل سلنڈر 11130 روپے کی جگہ 10920 روپے میں دستیاب ہوگا۔

مزید برآں چیئرمین ایل پی جی ایسوسی ایشن عرفان کھوکھر نے بتایا کہ عید کی خوشی میں حکومت کی جانب سے ایل پی جی کی قیمت میں کمی کی گئی ہے، سرکاری قیمت 241 روپے فی کلو، گھریلو سلنڈر 2838 روپے مقرر کی گئی ہے۔

(جاری ہے)

انہوں نے کہا کہ فی کلو قیمت میں 5روپے کمی اور سلینڈر کی قیمت میں 55 روپے کمی کردی گئی ہے۔ چیئرمین ایل پی جی ایسوسی ایشن نے بتایا کہ ایل پی جی 245 روپے فی کلو کی جگہ 241 روپے فی کلو، گھریلو سلینڈر 2893 روپے کی جگہ 2838 روپے اور کمرشل سلینڈر 11130 روپے کی جگہ 10920روپے میں دستیاب ہوگا۔

عرفان کھوکھر نے بتایا کہ ایل پی جی غریب دکان داروں کے خلاف کاروائی بند کی جائے، دکاندار ایل پی جی گھر پر نہیں بناتا لہذا حکومت پلانٹ سے سرکاری قیمت کو یقینی بنائے۔انہوں نے کہا کہ حکومت دکانداروں کے بجائے طاقت ور لوگوں کے خلاف ایکشن لے اور مافیا کو لگام ڈالنے میں ناکام ہے۔ دوسری جانب آل پاکستان صرافہ جیمز اینڈ جیولرز ایسوسی ایشن کے مطابق ہفتہ کو 24 قیراط فی تولہ سونے کی قیمت میں 1,400 روپے کی کمی ہوئی جس کے بعد فی تولہ قیمت 347,200 روپے ہو گئی جبکہ گزشتہ کاروباری روز سونے کی قیمت 348,600 روپے تھی۔

24 قیراط کے 10 گرام کی قیمت بھی 298,868 روپے کے مقابلہ میں 1,200 روپے کم ہو کر 297,668 روپے ہو گئی جبکہ 22 قیراط کے 10 گرام کی قیمت 1,100 روپے کم ہو کر 273,972 روپے سے کم ہو کر 272,872 روپے ہو گئی۔ فی تولہ چاندی کی قیمت 24 روپے کمی سے 3,456 روپے ہوگئی اور دس گرام کی قیمت 2,983 روپے کے مقابلہ میں 21 روپے کم ہوکر 2,962 روپے ہوگئی۔ ایسوسی ایشن کے مطابق بین الاقوامی مارکیٹ میں سونے کی قیمت 14 ڈالر کمی سے 3,302 ڈالر سے کم ہو کر 3,288 ڈالر ہو گئی جبکہ چاندی کی قیمت بھی 0.24 ڈالر کم ہو کر 32.98 ڈالر ہو گئی۔