متحدہ عرب امارات ، شارجہ میں الحمریہ پورٹ پر آتشزدگی

پیر 2 جون 2025 09:10

دبئی (اُردو پوائنٹ اخبارتازہ ترین - اے پی پی۔ 02 جون2025ء) متحدہ عرب امارات کی ریاست شارجہ کی الحمریہ پورٹ پر موجود آتشگیر مواد کو آگ لگ گئی، کسی جانی نقصان کی اطلاع نہیں ملی۔ امارات الیوم کے مطابق شارجہ ڈیفینس اتھارٹی، شارجہ پولیس اور نیشنل گارڈ کی ٹیمیں آگ پر قابو پانے کی کوشش کر رہی ہیں۔

(جاری ہے)

ہیلی کاپٹر بھی آگ بجھانے کے عمل میں شریک ہیں۔ آگ لگنے کی اطلاع ملتے ہیں پورٹ اتھارٹی کے تعاون سے فوری کارروائی کی گئی۔شارجہ پولیس نے بیان میں لوگوں پر زور دیا کہ وہ الحمریہ پورٹ پر آتشزدگی کے حوالے سے صرف سرکاری ذرائع سے معلومات حاصل کریں۔قانونی گرفت سے بچنے کےلیے آگ سے متعلق کوئی بھی تصویر یا وڈیو شیئر کریں اور نہ افواہیں پھیلائیں۔