خیبر پختونخوا میں پی ٹی آئی اور جے یو آئی (ف) آمنے سامنے،کرپشن الزامات کی بوچھاڑ

مشیر حکومت کوہستان سکینڈل کی تفصیلات قوم کے سامنے لائی جائے،جے یو آئی (ف)

پیر 2 جون 2025 21:49

اسلام آباد (اُردو پوائنٹ اخبارتازہ ترین - آن لائن۔ 02 جون2025ء)جے یو آئی اور پی ٹی آئی خیبرپختونخواہ میں ایک دوسرے کے مدمقابل آگئے،صوبائی حکومت کے ترجمان کی پریس کانفرنس کے بعد جے یوآئی نے بھی جوابی الزامات عائد کردیئے۔

(جاری ہے)

جے یو آئی کے ترجمان عبدالجلیل جان کے مطابق بیرسٹر سیف 12 سالہ کرپشن نگران حکومت کے کھاتے میں ڈال کر قوم کی آنکھوں میں دھول جھونک رہے ہیں انہوں نے کہا کوہستان سکینڈل پر بیرسٹر سیف وہ چیک پیش کریں جو وزارت خزانہ سے تیمور جھگڑا کی وزارت کے دوران جاری ہوئے تھے بیرسٹر سیف علی کی پریس کانفرنس پر رد عمل ظاہر کرتے ہوئے انہوں نے کہا کہ دوسروں کو چور چور کہنے والوں بڑی چوری پکڑی گئی ایک لاکھ نوکریاں اور پچاس لاکھ گھروں اور صوبہ میں دودھ اور شہد کی نہریں بچھانے والوں کی پوری جماعت کرپشن کے سکینڈلز میں ملوث ہے انہوں نے کہا کہ بی آر ٹی مالم جبہ بلین ٹریز گندم سکینڈل صحت کارڈ غبن کے بعد کوہستان سکینڈل نے تحریک انصاف کا پردہ چاک کردیا ہے انہوں نے کہا کہ خود حکمران جماعت کے وزرا ایم پی اے انکشافات کرکے قوم کو بیر سٹر سیف کی پارٹی کے کرپشن کی کہانیوں سے آگاہ کررہے ہیں انہوں نے کہا کہ سپیکر صوبائی اسمبلی کی صدارت میں کوہستان سکینڈل پر ہونے والی براہ راست سماعت میں انکشاف کیا گیا کہ یہ چالیس ارب نہیں بلکہ دوسو ارب تک کرپشن ہوئی ہے اور تحریک انصاف کے دور میں ہوئی ہے بیرسٹر سیف جے یوآئی یا دیگر جماعتوں پر ملبہ پھینک کر اپنی چوری چھپا نہیں سکتے بیرسٹرسیف پریس کانفرنس کرنے کی بجائے کوہستان سکینڈل کے حوالہ سے کمیٹی میں پیش ہوکر ثبوت پیش کریں انہوں نے کہا قومی خزانے سے دھرنے کرنے والوں نے آٹھ کروڑ پنجاب ہائی کورٹ بار کو جاری کرکے صوبہ کے عوام کے ساتھ زیادتی کی ہے بیر سٹر سیف انتظار کریں بہت جلد ان کی پارٹی کی دیگر چوریاں بھی سامنے ارہی ہیں۔

۔۔ اعجاز خان)