ویزا فری ممالک کے دائرے کو وسعت دیتے رہیں گے، چینی وزارت خا رجہ

ہم آئندہ بھی چین میں داخلے کی پالیسیوں کو بہتر بناتے رہیں گے، تر جمان

منگل 3 جون 2025 21:06

بیجنگ (اُردو پوائنٹ اخبارتازہ ترین - آن لائن۔ 03 جون2025ء) چین کی وزارت خارجہ کے ترجمان لین جیئن نے یومیہ پریس کانفرنس میں مزید ممالک کے لئے ویزا فری سہولت فراہم کرنے کے حوالے سے پوچھے گئے ایک سوال کے جواب میں کہا کہ یکم جون سے، چین کی یکطرفہ ویزا فری پالیسی میں پہلی بار لاطینی امریکہ اور کیریبین خطے کے ممالک کو شامل کیا گیا ہے۔

(جاری ہے)

اس طرح یکطرفہ ویزا فری لسٹ میں شامل ممالک کی تعداد 43 تک پہنچ چکی ہے۔

یہ بڑھتی ہوئی فہرست چین کے اعلیٰ سطح پر کھلے پن کے عزم کی واضح عکاسی کرتی ہے۔منگل کے روز"انہوں نے مزید کہا کہ ہم آئندہ بھی چین میں داخلے کی پالیسیوں کو بہتر بناتے رہیں گے اور ویزا فری ممالک کے دائرے کو وسعت دیتے رہیں گے، تاکہ وسیع تر کھلے پن اور گہرے تعاون کے ذریعے تمام ممالک کے ساتھ خوشحالی کا سفر جاری رکھا جا سکے۔"