رائل چیلنجرز بنگلور اور کوہلی نے 18 سال انتظار کے بعد بالآخر پہلی آئی پی ایل ٹرافی جیت لی

بدھ 4 جون 2025 14:58

احمد آباد (اُردو پوائنٹ اخبارتازہ ترین - این این آئی۔ 04 جون2025ء)18 سال کے طویل انتظار کے بعد رائل چیلنجرز بنگلور اور ویرات کوہلی نے انڈین پریمیئر لیگ( آئی پی ایل) کی ٹرافی اپنے نام کرلی۔ رائل چیلنجرز بنگلور نے آئی پی ایل 2025 کے فائنل میں پنجاب کنگز کو 6 رنز سے شکست دے کر 2008 سے شروع ہونے والی آئی پی ایل کا اپنا پہلا ٹائٹل جیتنے کا خواب پورا کر لیا۔

ویرات کوہلی مسلسل 18 سیزن سے رائل چیلنجرز بنگلو کی نمائندگی کر رہے ہیں اوراب پہلی بار انہوں نے آئی پی ایل ٹرافی اٹھائی ہے۔

(جاری ہے)

احمد آباد کے نریندر مودی اسٹیڈیم میں کھیلے گئے آئی پی ایل سیزن 18 کے فائنل میں رائل چیلنجرز بنگلور نے پہلے بیٹنگ کرتے ہوئے مقررہ 20 اوور میں 9 وکٹوں کے نقصان پر 190 رنز بنائے، جو اس سیزن اس میدان پر سب سے کم اسکور تھا۔بنگلور کی جانب سے اسٹار بیٹر ویرات کوہلی 43 رنز بناکر نمایاں بیٹر ہے۔191 رنز کے ہدف کے تعاقب میں پنجاب سپر کنگز کی ٹیم مقررہ 20 اوورز میں 7 وکٹوں کے نقصان پر 184 رنز بناسکی۔یوں رائل چیلنجرز بنگلور نے 6 رنز سے کامیابی کے بعد بالآخر پہلی بار آئی پی ایل کا ٹائٹل اپنے نام کرلیا۔