انٹر ڈسٹرکٹ کبڈی ٹورنامنٹ فیصل آباد نے جیت لیا

بدھ 4 جون 2025 22:26

فیصل آباد (اُردو پوائنٹ اخبارتازہ ترین - اے پی پی۔ 04 جون2025ء) وزیراعلی پنجاب سمر گیمز2025ء کی تیاریوں کے سلسلہ میں ڈویژنل سپورٹس کے تحت انٹر ڈسٹرکٹ کبڈی ٹورنامنٹ ملک پور کبڈی سٹیڈیم میں کھیلا گیا۔ فائنل میچ ڈسٹرکٹ فیصل آباد نے ڈسٹرکٹ چنیوٹ کی ٹیم کو 49/31 پوائنٹ سے شکست دے کر چیمپیئن کا اعزاز اپنے نام کیا۔ اس موقع پر مہمان خصوصی سابق ڈائریکٹر لوکل گورنمنٹ چوہدری عبدالحمید ،شاہ منظر فرید ڈویژنل سپورٹس آفیسر،چوہدری طارق نذیر سابق سپورٹس آفیسر نے جیتنے والی ٹیموں میں ٹرافیاں اور سر ٹیفکیٹ تقسیم کئے۔

ڈسڑکٹ سپورٹس آفیسر ساجدہ لطیف، ڈسٹرکٹ سپورٹس آفیسر محمد جمیل،ڈپٹی ڈائریکٹر و پروو ینشل کوچ زرینہ وقار اور تحصیل سپورٹس افسران و فیصل آباد کبڈی ایسوسی ایشن کے عہدیداران بھی موجود تھے۔

(جاری ہے)

دریں اثنا وزیراعلیٰ پنجاب سمر گیمز 2025 کی تیاریوں کے سلسلے میں ڈویژنل سپورٹس ڈیپارٹمنٹ کے تحت انٹر ڈسٹرکٹ ہاکی گرلز اینڈبوائز ٹورنامنٹ ہاکی اسٹیڈیم مدینہ ٹاؤن فیصل آباد میں کھیلا جارہا ہے جس میں گرلز ہاکی کے پہلے میچ میں ڈسٹرکٹ ٹوبہ ٹیک سنگھ کی ٹیم نے ڈسٹرکٹ چنیوٹ کی ٹیم کو 6/0 شکست دی۔

دوسرے میچ میں ڈسٹرکٹ فیصل آباد نے ڈسٹرکٹ جھنگ کی ٹیم کو 11/0 سے شکست دے دی۔ بوائز ہاکی کے پہلے میچ میں ڈسٹرکٹ ٹوبہ ٹیک سنگھ کی ٹیم نے ڈسٹرکٹ جھنگ کی ٹیم کو 6/0 گول سے دوسرے میچ میں ڈسٹرکٹ فیصل آباد کی ٹیم4/0 سے ڈسٹرکٹ چنیوٹ کی ٹیم کو شکست دی۔اس موقع پر مہمان خصوصی مسلم لیگی رہنما نجمہ افضل تھیں۔ڈویژنل سپورٹس آفیسر شاہ منظر فرید،ڈپٹی ڈائریکٹر سپورٹس بورڈ پنجاب مس زرینہ وقارا ور فیصل آباد ہاکی ایسوسی ایشن کے عہدیداران بھی موجود تھے۔

Facebook Twitter Google + Share on Whatsapp

انٹر ڈسٹرکٹ کبڈی ٹورنامنٹ فیصل آباد نے جیت لیا

متعلقہ عنوان :

مزید کھیلوں کی خبریں