ڈولفن فورس کی کارروائی، ڈکیتی کی واردات کرنیوالے 2ڈاکو گرفتار

ملزمان نے گزشتہ شب گھر میں اہلخانہ کو گن پوائنٹ پر یرغمال بناکر واردات کی تھی

جمعرات 5 جون 2025 12:29

لاہور(اُردو پوائنٹ اخبارتازہ ترین - این این آئی۔ 05 جون2025ء) سبزہ زار ڈولفن نے کارروائی کرتے ہوئے گھر میں ڈکیتی کی وادات کرنے والے 2ڈاکو گرفتار کرلیے۔ملزمان نے گزشتہ شب گھر میں اہلخانہ کو گن پوائنٹ پر یرغمال بناکر واردات کی تھی۔ترجمان ڈولفن کے مطابق مقامی پولیس اور ڈولفن 15کی کال پر موقع پر پہنچی تھی۔

(جاری ہے)

ایک ڈاکو موقع پر گرفتار جبکہ دوسرا ساتھی موقع سے فرار ہوگیا تھا۔

ترجمان کا کہنا تھا کہ ڈولفن نے ڈاکو کے دوسرے ساتھی کو ہیومن انٹیلی جنس کے تحت سبزہ زار سے گرفتار کرلیا۔گرفتار ملزم نے اعتراف جرم کرلیا ہے جبکہ اس کا ساتھی 60سے زائد مقدمات میں ریکارڈ یافتہ ہے۔ملزم دانیال کو کارروائی کے لئے تھانہ سبزہ زار کے حوالے کردیا گیا۔ایس پی ڈولفن ارسلان زاہد کی طرف سے ڈولفن ٹیم کو شاباش و تعریفی اسناد کا اعلان کیا گیا۔