Live Updates

امریکا کی انٹرنیشنل کریمنل کورٹ کی 4 خاتون ججز پر پابندیاں عائد

جمعہ 6 جون 2025 12:51

واشنگٹن (اُردو پوائنٹ اخبارتازہ ترین - این این آئی۔ 06 جون2025ء)امریکی حکومت نے انٹرنیشنل کریمنل کورٹ کی 4 خاتون ججز پر پابندیاں عائد کردیں۔عرب ٹی وی کے مطابق امریکی وزیر خارجہ مارکو روبیو نے الزام لگایا کہ انٹرنیشنل کریمنل کورٹ کی چاروں ججز غیرقانونی سرگرمیوں میں ملوث رہی ہیں۔

(جاری ہے)

انہوں نے بتایا کہ ان ججز نے امریکا اور اتحادی اسرائیل کو غیرقانونی طور پر نشانہ بنایا۔ افغانستان میں امریکی فوجیوں کے مبینہ جنگی جرائم کا مقدمہ کھولنے کا فیصلہ بھی ججز پر پابندیوں کا باعث بنا۔دوسری جانب انٹرنیشنل کریمنل کورٹ کا کہنا تھا کہ وہ ججوں اور عدالتی عملے کے ساتھ ہیں۔