ملک میں پانی کا بحران مزید بڑھنے کا خدشہ

واپڈا نے پانی کی دستیابی اور آمد کیاعداد و شمار جاری کر دیئے

جمعہ 6 جون 2025 20:10

اسلام آباد (اُردو پوائنٹ اخبارتازہ ترین - این این آئی۔ 06 جون2025ء)ملک میں پانی کا بحران مزید بڑھنے کا خدشہ ہے،واپڈا نے پانی کی دستیابی اور آمد کیاعداد و شمار جاری کر دیئے۔

(جاری ہے)

واپڈا کی جانب سے پانی کی دستیابی اور آمد کے اعداد و شمار کے مطابق 4روزمیں پانی کے قابل استعمال ذخیرے میں 7لاکھ 23ہزار ایکڑ فٹ کمی ریکارڈ کی گئی، جمعہ کو ملک میں قابل استعمال پانی کا ذخیرہ 38لاکھ 56ہزارایکڑ فٹ ہے۔

واپڈا رپورٹ کے مطابق پانی کے قابل استعمال ذخیرے میں گزشتہ روزکی نسبت ایک لاکھ 88ہزارایکٹر فٹ کمی ہوئی،دریائے سندھ میں پانی کی آمد میں 10ہزار کیوسک کمی ہوگئی،دریائے جہلم میں پانی کی آمد میں 2600کیوسک کمی ہوئی،چشمہ بیراج میں پانی کی آمدمیں 2500کیوسک کمی ریکارڈکی گئی، دریائے چناب میں پانی کی آمد میں 500کیوسک بڑھ کر19ہزار 800کیوسک ہوگئی۔