فائیو جی ایڈوانسڈ ٹیکنالوجی میں 600 ایم بی پی ایس اپ لنک رفتار حاصل کر نے کا عالمی ریکارڈ

منگل 10 جون 2025 15:38

ابوظہبی(اُردو پوائنٹ اخبارتازہ ترین - این این آئی۔ 10 جون2025ء)متحدہ عرب امارات کے ممتاز ٹیلی کمیونیکیشن ادارے ای۔اینڈ یو اے ای نے لائیوفائیو جی نیٹ ورک پر 600 میگا بٹ فی سیکنڈ (Mbps) کی اپ لنک رفتار حاصل کر کے کنیکٹیوٹی کے میدان میں نیا عالمی ریکارڈ قائم کر دیا ہے، جو فائیو جی ایڈوانسڈ کی ترقی میں ایک اہم سنگِ میل ہے۔

(جاری ہے)

متحدہ عرب امارات کی نیوز ایجنسی کی رپورٹ کے مطابق یہ نمایاں کامیابی FR1 بینڈز (2100 میگاہرٹز اور سی-بینڈ) کی ایگریگیشن اور اپ لنک 3Tx (تین اینٹینا کی ترسیل) کی بدولت حاصل ہوئی، جو ایک تجارتی کسٹمر پریمیسز ایکوئپمنٹ (CPE) پر ایک لائیو 5G سائٹ پر انجام دی گئی۔

سمارٹ شہروں میں لائیو ویڈیو اینالٹکس اور ڈرون سرویلنس جیسی ایپلی کیشنز بروقت اپ لوڈنگ کے باعث موثر فیصلوں میں معاون ہوں گی۔صارفین کے لئیبھی یہ پیش رفت انقلابی ثابت ہو گی، کیونکہ 8K وڈیوز اور لائیو اسٹریمنگ جیسے مواد کو یوٹیوب یا ٹک ٹاک جیسے پلیٹ فارمز پر چند سیکنڈز میں اپ لوڈ کیا جا سکے گا۔ گیمنگ میں وقفے کے بغیر کلاڈ کنیکٹیویٹی حاصل ہو گی، جبکہ سمارٹ ہومز ہائی ڈیفینیشن ویڈیوز اور آئی او ٹی ڈیٹا کو فوری اپ لوڈ کر سکیں گے۔