موٹروے پولیس سنٹرل ریجن نے شدید ہیٹ ویو کے پیش نظر ٹریول ایڈوائزری جاری کردی

بدھ 11 جون 2025 15:47

لاہور (اُردو پوائنٹ اخبارتازہ ترین - اے پی پی۔ 11 جون2025ء) موٹروے پولیس سنٹرل ریجن نے شدید ہیٹ ویو کے پیش نظر ٹریول ایڈوائزری جاری کردی۔ ترجمان موٹروے پولیس سینٹرل ریجن سید عمران احمد نے کہا کہ شدید گرمی میں گاڑی چلانے سے پہلے پانی اور کولنٹ کولازمی چیک کریں اورگاڑیوں کے انجن کا درجہ حرارت اور ٹائر پریشر پر نظر رکھیں۔

(جاری ہے)

بدھ کو اس حوالے سے جاری بیان میں انہوں نے کہاکہ شدید گرمی میں گاڑی میں لائٹر ، موبائل فون یا پرفیوم ، کاربونینٹڈ مشروبات نہ رکھیں ، خصوصاً دوپہر 11 بجے سے شام 4 بجے تک غیر ضروری سفر سے پرہیز کریں،بچوں اور بزرگوں کو گرمی میں گاڑی میں تنہا چھوڑنے سے گریز کریں۔

انہوں نے کہا کہ اضافی پانی اور فرسٹ ایڈ باکس رکھیں،گاڑی کو ہمیشہ سایہ دار جگہ پر پارک کریں،گاڑی پارک کرتے ہوئے کھڑکیاں تھوڑی سی کھلی رکھیں تاکہ ہوا کا گزر ہو ۔