سعودی عرب،شاہی مہمانوں کا کنگ فہد قرآن کمپلیکس اور تاریخی مقامات کا دورہ

جمعرات 12 جون 2025 09:10

مدینہ منورہ (اُردو پوائنٹ اخبارتازہ ترین - اے پی پی۔ 12 جون2025ء) خادم الحرمین الشریفین پروگرام کے تحت فریضہ حج کےلیے آنے والے مہمانوں نے مدینہ منورہ میں کنگ فہد قرآن پرنٹنگ کمپلکس کا دورہ کیا۔

(جاری ہے)

ایس پی اے کے مطابق خادم الحرمین الشریفین پروگرام کے تحت فریضہ حج کےلیے آنے والے مہمانوں نے مدینہ منورہ میں دنیا کے سب سے بڑے قرآن پرنٹنگ کمپلیکس کا دورہ کیا جہاں حکام نے انہیں قرآن پاک کی طباعت کے مختلف مراحل اور اس کےلیے استعمال ہونے والی ٹیکنالوجی سے آگاہ کیا گیا۔

انہیں قرآن پاک کے تحفظ کےلیے کی جانے والی کوششوں اور مختلف زبانوں میں اس کے ترجمے اور عالمی سطح پر اس کی تقسیم کے بارے میں بھی بتایا گیا۔کمپلیکس میں قرآن پاک کا 76 زبانوں میں ترجمہ اور خصوصی ایپلی کیشنز تیار کی ہیں جو مسلمانوں کو قرآن پڑھنے اور سمارٹ فونز پر مختلف ملکوں کے افراد کو قرآن سننے کے قابل بناتی ہیں۔دورے کے اختتام پر کمپلکس کے عہدیداروں نے مہمانوں کو قران پاک کے نسخے تحفے میں دیے۔