لندن، امیر شائقین کو فلیٹ خرید کر ہمیشہ مفت کرکٹ میچز دیکھنے کا موقع مل گیا

منتظمین نے فلیٹ کی فروخت میں خریداروں کو لبھانے کیلئے دلچسپ آفر پیش کردی

ذیشان مہتاب جمعرات 12 جون 2025 13:11

لندن، امیر شائقین کو فلیٹ خرید کر ہمیشہ مفت کرکٹ میچز دیکھنے کا موقع ..

لندن (اردو پوائنٹ تازہ ترین اخبار ۔ 12 جون 2025ء ) امیر شائقین کو لندن میں فلیٹ خرید کر ہمیشہ مفت کرکٹ میچز دیکھنے کا موقع مل گیا۔

میڈیا رپورٹس کے مطابق کیننگٹن اوول میں 2 فلیٹس کو مشرق کی جانب باہر کی طرف نشستیں بنانے کی اجازت مل گئی، جس سے لوگ اوول گراؤنڈ پر ہونے والے میچز مفت میں دیکھ پائیں گے۔

منتظمین نے فلیٹ کی فروخت میں خریداروں کو لبھانے کیلئے یہ آفر بھی پیش کردی کہ وہ ان فلیٹس کی خریداری پر مفت میں کرکٹ میچز دیکھ سکیں گے۔

(جاری ہے)

اوول مینشن میں واقع دونوں اپارٹمنٹس عمارت کے مشرق کی جانب تاریخی آؤٹ ڈور سیٹنگ ایریا تک رسائی کی اجازت دیتے ہیں، رہائشیوں کو مہمانوں کے ساتھ آنے کی بھی اجازت ہے، البتہ ایشز جیسی بڑی سیریز میں پابندیاں ہیں تاکہ شور کو محدود کیا جاسکے۔

یہ فلیٹ شائقین کرکٹ کو 4 لاکھ یورو (یعنی پاکستانی روپوں میں 12 کروڑ 92 لاکھ سے زائد) اور 6 لاکھ یورو (یعنی پاکستانی روپوں میں 19 کروڑ 38 لاکھ سے زائد) میں دستیاب ہے۔