نسیم شاہ کا کیریبئن لیگ میں جشن منانے کا انداز وائرل

پہلے میچ میں وکٹ لینے کے بعد مخصوص انداز میں سلیوٹ کیا، ویسٹ انڈین فاسٹ بولر شیلڈن کارٹل کا انداز اپنایا جو وائرل ہوگیا

ہفتہ 16 اگست 2025 13:40

نسیم شاہ کا کیریبئن لیگ میں جشن منانے کا انداز وائرل

جمیکا(اُردو پوائنٹ اخبارتازہ ترین - این این آئی۔ 16 اگست2025ء)پاکستان کے فاسٹ بولر نسیم شاہ کا کیریبئن لیگ کے پہلے میچ میں جشن کا انداز وائرل ہوگیا۔فاسٹ بولر نسیم شاہ نے سی پی ایل 2025 کے پہلے میچ میں وکٹ لینے کے بعد مخصوص انداز میں سلیوٹ کیا، انہوں نے ویسٹ انڈین فاسٹ بولر شیلڈن کارٹل کا انداز اپنایا جو وائرل ہوگیا۔

(جاری ہے)

انہوں نے جیڈن سیلز کی وکٹ لینے کے بعد یہ انداز اپنا کر جشن منایا۔

واضح رہے کہ انٹیگاینڈ بربودا فالکنز کے خلاف نسیم شاہ نے سینٹ کٹس اینڈ نیوس پیٹریاٹس کی جانب سے دو وکٹیں حاصل کیں۔نسیم شاہ نے فالکنز کی اننگز کی آخری وکٹ حاصل کر کے سلیوٹ کے ساتھ جشن منایا، نسیم نے 3.1 اوورز میں 20 رنز کے عوض 2 وکٹیں حاصل کیں۔اس سے قبل ون ڈے انٹرنیشنل ویسٹ انڈیز کے فاسٹ بولر شیلڈن کارٹیل یہی سلیوٹ اسٹائل میں جشن مناتے تھے۔