Live Updates

پاکستان سٹوڈنٹس اولمپک ایسوسی ایشن کے زیر اہتمام نیشنل کوچنگ کورس میں شرکت کیلئے رجسٹریشن شروع ہو گئی

جمعرات 12 جون 2025 16:31

اسلام آباد (اُردو پوائنٹ اخبارتازہ ترین - اے پی پی۔ 12 جون2025ء) پاکستان سٹوڈنٹس اولمپک ایسوسی ایشن کے زیر اہتمام تین روزہ نیشنل کوچنگ کورس میں شرکت کے لئے رجسٹریشن شروع ہو گئی ہے۔ کورس 26 جون سے 28 جون تک بٹہ کنڈی، ناران میں شروع ہو گا۔

(جاری ہے)

گزشتہ روز پاکستان سٹوڈنٹس اولمپک ایسوسی ایشن کے صدر مقبول آرائیں نے بتایا کہ کورس کی تیاریاں زور و شور سے جاری ہیں اور کورس میں ملک بھر سے مختلف کھیلوں کے کھلاڑی، کوچز اور تعلیمی اداروں کے سپورٹس ٹیچرز حصہ لے سکتے ہیں۔

تین روزہ کورس میں تھروبال، کیچ بال، روپ سکیپنگ، پیکل بال پر لیکچرز اور پریکٹس کروائی جائے گی۔ کورس میں شرکت کی خواہش رکھنے والے اپنے، اپنے ناموں کی رجسٹریشن 20 جون تک فون نمبر 03213077577 یا ای میل [email protected] پر کروا سکتے ہیں۔ کورس 28 جون تک جاری رہے گا اور کورس کے اختتام پر کامیابی حاصل کرنے والے شرکا میں اسناد تقسیم کی جائیں گی۔