Live Updates

س*کراچی کے K-فور پراجیکٹ کیلئے نہایت ناکافی مالی وسائل مختص کرنے کا معاملہ

gپاکستان تحریک انصاف کی جانب سے شدید ردعمل کا اظہار

جمعرات 12 جون 2025 21:55

Y کراچی(اُردو پوائنٹ اخبارتازہ ترین - آن لائن۔ 12 جون2025ء)نون لیگ، پیپلزپارٹی اور متحدہ قومی موومنٹ کو منصوبے کو سست روی کا شکار کرکے کراچی کے کروڑوں شہریوں کو پانی کی قلت کا شکار کرنے کا ذمہ دار ٹھہرایا دیا ہے ۔ ترجمان تحریک انصاف کا کہنا تھا کہ کی-فور منصوبہ کراچی کے کروڑوں باشندوں کیلئے نہایت بنیادی اہمیت کا حامل منصوبہ ہے تحریک انصاف کی حکومت نے نہایت اہمیت کے حامل اس منصوبے کو خصوصی اہمیت دی اور اس کی تکمیل کیلئے خصوصی وسائل فراہم کئے ہیں مینڈیٹ چوری اور مک مکا کی سیاست کرنے والی نون لیگ، پیپلزپارٹی اور متحدہ قومی موومنٹ نے کراچی کے عوام کی محرومیوں کو پختہ کرنے میں کوئی کسر نہیں چھوڑی ہے ۔

عوام کا مینڈیٹ لوٹ کر اقتدار بانٹنے والوں نے ایک مرتبہ پھر ثابت کیا کہ عوام ان کی ترجیحات کا حصہ ہیں نہ ہی ان کی مشکلات میں کمی میں انہیں کوئی دلچسپی ہے۔

(جاری ہے)

ترجمان کا کہنا تھا کہ رحیم چینج کے مکروہ کردار عوامی اہمیت کے ہر منصوبے سے اسی نوعیت کا برتاو جاری رکھے ہوئے ہیںمنصوبے کیلئے بجٹ میں نہایت ناکافی سرمایہ مختص کرنا منصوبے کی افادیت ختم کرنے اور خرچ کئے جانے اربوں روپے ضائع کرنے کے مترادف ہے تحریک انصاف مینڈیٹ چوروں کی کراچی کے عوام سے کھلی دشمنی پر ہرگز خاموش نہیں بیٹھے گی۔ترجمان کا مزید کہنا تھا کہ پارلیمان میں کی-فور منصوبے کا معاملہ اٹھائیں گے اور مینڈیٹ چور سرکار سے مطلوبہ سرمائے کی فراہمی یقینی بنانے کا پرنور مطالبہ کریں گے۔