آئی جی اسلام آباد سید علی ناصر رضوی کا سکیورٹی ڈویژن اور سیف سٹی اسلام آباد کا دورہ

سکیورٹی ڈویژن میں جاری ترقیاتی منصوبوں پر پیش رفت کا جائزہ لیا، سیف سٹی اسلام آباد کی تکنیکی صلاحیتوں، ریسپانس ٹائم اور جرائم کی روک تھام میں نظام کے مؤثر کردار کو مزید بہتربنانے کی ہدایات

جمعہ 13 جون 2025 02:45

اسلام آباد (اُردو پوائنٹ اخبارتازہ ترین - این این آئی۔ 13 جون2025ء)آئی جی اسلام آباد سید علی ناصر رضوی کا سکیورٹی ڈویژن اور سیف سٹی اسلام آباد کا دورہ کیا، آئی جی اسلام آباد نے سکیورٹی ڈویژن میں جاری ترقیاتی منصوبوں پر پیش رفت کا جائزہ لیا، سیف سٹی اسلام آباد کی تکنیکی صلاحیتوں، ریسپانس ٹائم اور جرائم کی روک تھام میں نظام کے مؤثر کردار کو مزید بہتربنانے کی ہدایات جاری کیں۔

(جاری ہے)

تفصیلات کے مطابق انسپکٹر جنرل آف پولیس اسلام آباد سید علی ناصر رضوی نے سکیورٹی ڈویژن اور سیف سٹی اسلام آباد کا دورہ کیا ،انہوں نے سکیورٹی ڈویژن میں جاری ترقیاتی منصوبوں پر پیش رفت کا جائزہ لیا،اس موقع پر ایس ایس پی سکیورٹی ڈویژن محمد سرفراز ورک اور چیف ٹریفک آفیسر اسلام آباد کیپٹن ریٹائرڈ سید ذیشان حیدر نے آئی جی اسلام آباد کو سکیورٹی ڈویژن میں جاری زیرِ تعمیر منصوبوں اور کیس کیڈ کے بارے میں تفصیلی بریفنگ دی، آئی جی اسلام آباد نے پولیس افسران کو سکیورٹی ڈویژن میں جاری تمام منصوبوں کو مقررہ مدت کے اندر مکمل کرنے کے احکامات جاری کئے،آئی جی اسلام آباد نے سیف سٹی کمانڈ اینڈ کنٹرول سنٹر کا بھی دورہ کیا، اس موقع پر ڈی جی سیف سٹی شاکر حسین داوڑ نے آئی جی اسلام آباد کو سیف سٹی پروجیکٹ کی تکنیکی صلاحیتوں، ریسپانس ٹائم، اور جرائم کی روک تھام میں نظام کے مؤثر کردار کے بارے میں بریفنگ دی،آئی جی اسلام آباد نے سیف سٹی ٹیم کی کارکردگی کو سراہتے ہوئے نظام کو مزید مؤثر بنانے کے لئے ضروری اقدامات کی ہدایت بھی جاری کی۔