ایران کی جوہری تنصیبات پر اسرائیلی حملوں پر یو این چیف کو تشویش

یو این جمعہ 13 جون 2025 09:00

اسلام آباد (اُردو پوائنٹ ۔ UN اردو۔ 13 جون 2025ء) اقوام متحدہ کے سیکرٹری جنرل انتونیو گوتیرش کا کہنا ہے کہ ایران کی جوہری تنصیبات پر حملے اس وقت خاص طور پر قابل تشویش ہیں جب ایران اور امریکہ کے درمیان ایران کے جوہری پروگرام کی صورتحال پر گفتگو و شنید جاری ہے۔

(جاری ہے)

اپنے ترجمان فرحان حق کے ذریعے جاری کیے گئے ایک بیان میں سیکرٹری جنرل نے اقوام متحدہ کے تمام رکن ممالک کو بآور کرایا ہے کہ وہ ادارے کے چارٹر اور بین الاقوامی قانون کی پاسداری کرنے کے پابند ہیں۔

انہوں نے دونوں فریقوں سے کہا ہے کہ وہ زیادہ سے زیادہ تحمل کا مظاہرہ کرتے ہوئے ہر قیمت پر کشیدگی بڑھانے سے گریز کریں۔ اقوام متحدہ کے سربراہ کا کہنا ہے کہ مشرق وسطیٰ مزید کشیدگی کا متحمل نہیں ہو سکتا۔