ڈرگ کورٹ کا بڑا فیصلہ، پتوکی میں نشہ آور اور جعلی ادویات بیچنے والے دو ملزمان کو چھ سال قید اور تین تین کروڑ جرمانہ

جمعہ 13 جون 2025 11:05

پتوکی(اُردو پوائنٹ اخبارتازہ ترین - این این آئی۔ 13 جون2025ء)ڈرگ کورٹ کا بڑا فیصلہ پتوکی میں نشہ آور اور جعلی ادویات بیچنے والے دو ملزمان کو چھ سال قید اور تین تین کروڑ روپے جرمانے کی سزاسنا دی پتوکی کے شہریوں نے ڈرگ انسپکٹر سمیت پوری ٹیم کی کارکردگی کو سراہا ۔

(جاری ہے)

لاہور ڈرگ کورٹ کے معزز جج رانا نوید نے ایک اہم مقدمے کا فیصلہ سناتے ہوئے دو ملزمان، ماسٹر انور اور انعام اللہ کو نشہ آور اور جعلی ادویات کی فروخت جیسے سنگین جرائم میں ملوث قرار دیتے ہوئے چھ سال قید اور تین، تین کروڑ روپے جرمانے کی سزا سنادی ہلہ روڈ پتوکی پر ماسٹر انور نے کباڑ کے کاروبار کی آڑ میں نشے کے ٹیکے فروخت کیے، جبکہ انعام اللہ اپنی کریانہ کی دکان کے ذریعے نشہ آور ادویات کی فروخت میں ملوث پایا گیایہ مقدمہ ڈاکٹر بلال یاسین ڈپٹی ڈرگ کنٹرولر پتوکی نے ڈرگ کورٹ لاہور میں جمع کروایا تھاعدالت کی کاروائی میں ڈاکٹر مریم شریف (سیکرٹری ڈسٹرکٹ کوالٹی کنٹرول بورڈ قصور)، اور ندیم احمد وڑائچ (پراسیکیوٹر ڈرگ کورٹ لاہور) شامل تھے، نے ٹھوس شواہد اور قانونی تقاضوں کی تکمیل کے ذریعے ملزمان کے جرم کو ثابت کیااور عدالت نے سزا سنادی یاد رہے کہ اس مقدمہ کو دفن کردیا گیا تھا مگر ڈاکٹر بلال یاسین نے بغیر کسی پریشر کے مقدمہ ڈرگ کورٹ جمع کروایا تھا اس موقع پر بلال یاسین ڈپٹی ڈرگ کنٹرولر پتوکی کا کہنا تھا کے جعلی اور نشہ آور ادویات بیچنے والو لے خلاف کاروائی جاری رہے گی۔