Live Updates

تلنگانہ میں ہندو تواتنظیموں کے ارکان کا مسلم نوجوانوں پر تشدد، جئے شری رام کا نعرہ لگانے پر مجبور کیا

ہندو ہندوتوا کے ارکان آدھی رات کے وقت آئے ،انہوں نے مسلمان لڑکوں کو لاٹھیوں سے مارنا شروع کیا

جمعہ 13 جون 2025 14:15

حیدرآباد(اُردو پوائنٹ اخبارتازہ ترین - این این آئی۔ 13 جون2025ء)بھارتی ریاست تلنگانہ کے دارلحکومت حیدر آباد میں ہندو تو ا تنظیموں کے غنڈوں نے مسلم نوجوانوں کو تشدد کا نشانہ بنایا اور انہیں 'جئے شری رام' کا ہندو نعرہ لگانے پر مجبور کیا ۔کشمیر میڈیاسروس کے مطابق غنڈوں نے مسلم نوجوانوں پر شہر کے کائیدرگام علاقے میں ایک ہوٹل کے قریب حملہ کیا۔

(جاری ہے)

لاٹھیوں اور تلواروں سے لیس حملہ آوروں نے نہ صرف مسلم نوجوانوں کو مارا پیٹا بلکہ انہیں ہندو نعرہ ’جئے شری رام‘ لگانے پر بھی مجبور کیا۔عینی شاہدین اور مقامی لوگوں نے کہا ہے کہ ہندو ہندوتوا کے ارکان آدھی رات کے وقت آئے ،انہوں نے مسلمان لڑکوں کو لاٹھیوں سے مارنا شروع کیا۔ایک زخمی مسلم نوجوان نے نام ظاہر نہ کرنے کی شرط پر بتایا کہ ’’انہوں نے ہم سے 'جئے شری رام' کے نعرے لگانے کو کہا ، جب ہم نے انکار کیا تو انہوں نے ہمیں وحشیانہ مار پیٹ کا نشانہ بنایا۔ نوجوان نے کہا کہ میرا ایک دوست اب بھی اسپتال میں ہے۔‘‘