Live Updates

وزیر اعلیٰ پنجاب کا نئے ٹیکس لگانے کی بجائے ٹیکس نیٹ کو وسعت دینے کا فیصلہ خوش آئند ہے، سیف الرحمان

جمعہ 13 جون 2025 17:19

لاہور (اُردو پوائنٹ اخبارتازہ ترین - اے پی پی۔ 13 جون2025ء) کوآڈینیٹر وفاق ٹیکس محتسب سیف الرحمان نے وزیر اعلیٰ پنجاب کی جانب سے آئندہ ٹیکس فری صوبائی بجٹ میں نئے ٹیکسز متعارف کرانے کی بجائے ٹیکس نیٹ کو وسیع کرنے کے فیصلے کا خیر مقدم کیا ہے۔ جمعہ کو یہاں میاں اظہر شوکت کی قیادت میں تاجروں کے ایک وفد سے گفتگو کرتے ہوئے انہوں نے کہا کہ اس سے معاشی استحکام کو فروغ ملے گا، موجودہ ٹیکس دہندگان پر بوجھ کم اور صوبے میں کاروبار ترقی کی راہ پر گامزن ہوں گے۔

(جاری ہے)

شاہد عمران نے کہا کہ ٹیکس کی بنیاد کو وسعت دینا ایک پائیدار حکمت عملی ہے جس سے ٹیکس دینے والے کاروباروں پر زیادہ بوجھ ڈالے بغیر محصولات کو بڑھایا جا سکتا ہے۔انہوں نے کہا کہ معیشت کے اندر دستاویزات اور شفافیت کی حوصلہ افزائی کے ذریعہ مالیاتی چیلنجوں سے نمٹنے کی صوبائی حکومت کی حکمت عملی قابل ستائش ہے۔ شاہد عمران نے حکومت پر زور دیا کہ وہ ڈیجیٹل انفراسٹرکچر اور ٹیکس آگاہی مہمات میں سرمایہ کاری کرکے اس پالیسی پر موثر عمل درآمد کو یقینی بنائے۔ انہوں نے کہا کہ اس طرح کے اقدامات سے منصفانہ ٹیکس نظام کی تشکیل میں مدد ملے گی۔