افسران وملازمین دستیاب وسائل کے ساتھ ہمہ یک جہتی پالیسی بناکر بل ریکوری ،بجلی چوری روکنے کیلئے سخت محنت سے کام کریں،چیف ایگزیکٹو آفیسر کیسکو

جمعہ 13 جون 2025 22:46

کوئٹہ(اُردو پوائنٹ اخبارتازہ ترین - این این آئی۔ 13 جون2025ء) کوئٹہ الیکٹرک سپلائی کمپنی (کیسکو)کے چیف ایگزیکٹوآفیسرانجینئریوسف شاہ خان نے جمعہ کے روز کوئٹہ میں کیسکولیاقت بازار سب ڈویژن کے دفترکادورہ کیا۔دورے کے موقع پرچیف انجینئر آپریشن شوکت علی جوگیزئی، چیف انجینئر( کسٹمر سروسز) مرزااعزازبیگ، کیسکوسینٹرل سرکل کے سپرنٹنڈنگ انجینئر شاہد رئیسانی، ایگزیکٹو انجینئرسٹی ڈویژن ،سب ڈویژنل آفیسر، ریونیوآفیسراور دیگرمتعلقہ افسران بھی موجودتھے۔

اس موقع پر چیف ایگزیکٹوآفیسرکیسکو کوبجلی نادہندگان سے بلوںکی وصولی ، بجلی چوروںکے خلاف کارروائی ،میٹرسیکورنگ و اسپیشل کامبنگ اورصارفین کو نئے کنکشن کی فراہمی سے متعلق سپرنٹنڈنگ انجینئرنے تفصیلی بریفنگ دی گئی۔

(جاری ہے)

چیف ایگزیکٹوآفیسرکیسکوانجینئریوسف شاہ خان نے کہاکہ تمام افسران وملازمین دستیاب وسائل کے ساتھ ہمہ یک جہتی پالیسی بناکر بلوںکی ریکوری اور بجلی چوری روکنے کیلئے سخت محنت سے کام کریں۔

انہوںنے کہاکہ نادہندگان اور بجلی چوروںکے خلاف روزانہ کی بنیاد پر کارروائی عمل میں لائی جائے اور اس ضمن میں بجلی چوروں اور نادہندگان کے ساتھ کوئی رعایت نہ برتی جائے ، انجینئر یوسف شاہ خان نے کہاکہ فیلڈآپریشن افسران وملازمین بجلی کے میٹروں کی چیکنگ ،سیکورنگ و تبدیلی کے عمل کو تیز کرنے کے ساتھ ساتھ صارفین کو نئے کنکشنز کے حصول کو بھی آسان بنائیں۔

انہوںنے مزیدکہاکہ میٹرریڈرز اپنے متعلقہ علاقوںمیں بجلی چوروںکی نشاندہی اور بلنگ کے عمل کو بروقت مکمل کریں،انہوںنے کہاکہ اچھی کارکردگی کامظاہرہ کرنے والے تمام ملازمین کی حوصلہ افزائی کیاجائے گا اسکے علاوہ خراب کارکردگی کرنے والوںکے خلاف محکمانہ کارروائی بھی عمل میں لائی جائے گی۔قبل ازیں چیف ایگزیکٹوآفیسرکیسکونے لیاقت بازارسب ڈویژن کے مختلف سیکشن کا بھی معائنہ کیا اوردفتری ریکارڈبھی چیک کئے۔