سکھر،نیو پنڈ کے مکینوں کو پانی فراہم کرنے والی لائن پھٹ گئی جس کے باعث متاثرہ علاقہ زیر آب آگیا

مختلف علاقو ں میں پانی کی فراہمی معطل ہونے کی وجہ سے گھریلو و کاروباری سرگرمیاں مفلوج ہو گئی جبکہ پانی لائن کی وجہ سے علاقہ تالاب کا منظر پیش کرنے لگا

جمعہ 13 جون 2025 21:00

سکھر(اُردو پوائنٹ اخبارتازہ ترین - این این آئی۔ 13 جون2025ء) سکھر کے علاقے نیو پنڈ کے مکینوں کو پانی فراہم کرنے والی لائن پھٹ گئی جس کے باعث متاثرہ علاقہ زیر آب آگیااور نیو پنڈ کے مختلف علاقو ں میں پانی کی فراہمی معطل ہونے کی وجہ سے گھریلوں و کاروباری سرگرمیاں مفلوج ہو گئی جبکہ پانی لائن کی وجہ سے علاقہ تالاب کا منظر پیش کرنے لگا اور کئی فٹ تک پانی کھڑا رہنے کی وجہ سے علاقہ مکینوں سمیت دکانداروں کو بھی شدید پریشانی کا سامنا کرنا پڑا ، فراہمی آب لائن پھٹ جانے کی اطلاع فوری متعلقہ محکمے کو دی گئی تاہم کئی گھنٹے گذرنے کے بعد بھی لائن مرمت نہ ہو سکی اور عملہ مکمل طور پر غائب دیکھائی دے رہا ہے ، علاقہ مکینوں کے مطابق پائپ لائن جگہ جگہ سے ٹوٹ پھوٹ کا شکار ہونے کی وجہ سے کئی ماہ سے پانی ضائع ہورہا ہے متعلقہ عملے کو آگاہ کیا تھا کہ اگر فی الفور پائپ لائنوں کی مرمت نہیں کی گئی نقصان ہو سکتا ہے ، اب لائن پھٹ جانے کی وجہ سے ہزاروں گیلن استعمال ہونے والا پانی ضائع ہو گیا ہے اور علاقے میں پانی کی شدید قلت پیدا ہو نا شروع ہو گئی ہے اب جب تک لائن مرمت یا تبدیل نہیں ہو گی علاقے میں کربلا کا سماع بندھا رہے گا متاثرہ علاقہ مکینوں نے بالا حکام سے نوٹس لیکر متاثرہ لائن درست کرانے کا مطالبہ کیا ہے ۔