Live Updates

ّاسرائیل کی جانب سے ایران پر حملے جاری، ایران کی نیوکلیئر سائٹ ’ فورڈو‘ کے قریب دھماکے

ایرانی ڈیفنس سسٹم نے فورڈو نیوکلیئر سائٹ کے قریب 2 ڈرونز کو تباہ کردیا ہے ، ایرانی میڈیا کا دعویٰ

جمعہ 13 جون 2025 22:45

ی* تل ابیب ، تہران(اُردو پوائنٹ اخبارتازہ ترین - آن لائن۔ 13 جون2025ء)اسرائیل کی جانب سے ایران پر حملے تاحال جاری ہیں اورایرانی فضائی دفاعی نظام میزائلوں کو روکنے کی بھر پور کوشش کر رہاہے۔ غیر ملکی خبررساں ادارے کے مطابق ایران کی نیوکلیئر سائٹ ’ فورڈو‘ کے قریب دھماکے سنے گئے ہیں ، یہ نیوکلیئر فسلیٹی پہاڑ کے اندر کھدائی کر کے بنائی گئی ہے تاکہ بیرونی حملوں سے بچا جا سکے۔

ایرانی میڈیا کا کہناہے کہ ایرانی ڈیفنس سسٹم نے فورڈو نیوکلیئر سائٹ کے قریب 2 ڈرونز کو انٹر سپٹ کیاہے۔

(جاری ہے)

دوسری جانب اسرائیلی فوج نے کہا ہے کہ اس کی فضائیہ ایران پر حملے جاری رکھے ہوئے ہے۔ ترجمان کے مطابق، یہ حملے میزائل لانچرز اور ڈرون کے لانچنگ انفرا اسٹرکچر پر کیئے جارہے ہیں۔یاد رہے کہ اسرائیل نے ایران پر بڑا حملہ کیا ہے جس کے نتیجے میں ایرانی مسلح افواج کے سربراہ میجر جنرل محمد باقری اور ایرانی پاسداران انقلاب کے سربراہ میجر جنرل حسین سلامی اور 6 جوہری سائنسدان شہید ہوگئے، اسرائیل نے حملے میں ایران کے جوہری اور عسکری مراکز کو نشانہ بنانے کا دعویٰ کیا ہے جبکہ ایرانی میڈیا کے مطابق حملوں میں خواتین اور بچوں سمیت 5 شہری شہید اور 50 زخمی ہوئے ہیں۔