افغانستان میں ہندوکش ریجن کے قریب 4.4 شدت کا زلزلہ

زلزلے کا مرکز افغانستان کے ہندوکش پہاڑی سلسلے میں واقع تھا،رپورٹ

ہفتہ 14 جون 2025 16:35

افغانستان میں ہندوکش ریجن کے قریب 4.4 شدت کا زلزلہ

کابل(اُردو پوائنٹ اخبارتازہ ترین - این این آئی۔ 14 جون2025ء)14 جون 2025 کو پاکستانی وقت کے مطابق صبح 11 بج کر 4 منٹ پر ہندوکش ریجن، افغانستان میں زلزلے کے جھٹکے محسوس کیے گئے۔

(جاری ہے)

غیرملکی خبررساں دارے کے مطابق پی ایم ڈی نے بتایاکہ زلزلے کی شدت 4.4 ریکارڈ کی گئی جبکہ اس کی گہرائی زمین میں 122 کلومیٹر تھی۔زلزلے کا مرکز افغانستان کے ہندوکش پہاڑی سلسلے میں واقع تھا، جس کے زمینی محددات 36.19 درجے شمالی عرض البلد اور 70.50 درجے مشرقی طول البلد پر بتائے گئے ۔گہرائی زیادہ ہونے کی وجہ سے زلزلے کے اثرات سطحِ زمین پر محدود رہے تاہم خیبر پختونخوا اور شمالی علاقہ جات میں ہلکے جھٹکے محسوس کیے گئے۔