ایران میں موساد سے تعلق کے الزام میں دو افراد گرفتار

دونوں افراد بم اور دھماکہ خیز مواد تیار کر رہے تھے،پولیس کا بیان

اتوار 15 جون 2025 19:15

ایران میں موساد سے تعلق کے الزام میں دو افراد گرفتار

تہران (اُردو پوائنٹ اخبارتازہ ترین - این این آئی۔ 15 جون2025ء)ایران میں ایک بار پھر موساد کے مبینہ نیٹ ورک کی سرگرمیوں کا انکشاف ہوا ہے۔عرب ٹی وی کے مطابق ایرانی پولیس نے شمالی صوبے البرز میں دو افراد کو حراست میں لینے کا دعوی کیا ہے جن پر اسرائیلی خفیہ ادارے موساد سے تعلق کا الزام ہے۔

(جاری ہے)

بیان میں پولیس کا کہنا تھا کہ "البرز پولیس کی انٹیلی جنس یونٹ کی کوششوں سے "موساد" سے وابستہ ایک سیل کے دو ارکان کو گرفتار کیا گیا ہے۔مزید بتایا گیا کہ ان افراد پر صوبہ البرز کے علاقے ساووجبلاغ میں ایک خفیہ مقام پر بم، دھماکہ خیز مواد اور الیکٹرانک آلات تیار کرنے کا الزام ہے۔