ٹیسٹ چیمپئن شپ فائنل کا پرومو جے شاہ کی ذاتی تشہیر بن گیا، صحافیوں اور سوشل میڈیا صارفین کی کڑی تنقید

جے شاہ 45 سیکنڈ کی ٹیسٹ چیمپئن شپ فائنل ویڈیو میں 11 بار نظر آئے

ذیشان مہتاب منگل 17 جون 2025 11:06

ٹیسٹ چیمپئن شپ فائنل کا پرومو جے شاہ کی ذاتی تشہیر بن گیا، صحافیوں اور ..

لندن (اردو پوائنٹ تازہ ترین اخبار ۔ 17 جون 2025ء ) انٹرنیشنل کرکٹ کونسل (آئی سی سی) ورلڈ ٹیسٹ چیمپئن شپ فائنل کا پرومو چیئرمین جے شاہ کی ذاتی تشہیر بن گیا۔

آئی سی سی نے سوشل میڈیا پر ورلڈ ٹیسٹ چیمپئن شپ کے فائنل کا پرومو جاری کردیا ، صحافیوں اور کرکٹ مداحوں نے اس معاملے پر جے شاہ کو آڑے ہاتھوں لے لیا ہے۔

فائنل کا پرومو 45 سکینڈز کا ہے، جس میں کل 23 شاٹس ہیں، 11 شاٹس جے شاہ کے، باووما کے 5، مارکرم کے 2، آسٹریلوی کپتان پیٹ کمنز اور ربادا کی صرف ایک جھلک موجود تھی۔

سوشل میڈیا پر پرومو سامنے آنے کے بعد آئی سی سی اور جے شاہ پر طنز اور تنقید کے نشتر چل پڑے۔

سری لنکن صحافی نے سوال اٹھایا کہ آئی سی سی ورلڈ ٹیسٹ چیمپئن شپ کے فائنل میں جے شاہ نے کتنے رنز بنائے؟ انہوں نے میچ میں کتنی وکٹیں لیں؟۔

(جاری ہے)

بھارتی صحافی کلدیپ لال نے ویڈیو کو ناقابل یقین قرار دیا اور آئی سی سی کی سوشل میڈیا ٹیم پر تنقید کی۔

برطانوی صحافی عاطف نواز نے ردعمل دیا کہ ایسا لگتا ہے کہ یہ ویڈیو جے شاہ نے خود اپنے فون سے بنائی اور ایڈیٹ کی ہے۔

آسٹریلوی صحافی نے کہا کہ اگر آپ نے آئی سی سی کی یہ ویڈیو دیکھتے ہوئے اگر آنکھ ایک لمحے کےلیے بھی جھپکی تو آپ پیٹ کمنز کا شارٹ مس کرسکتے ہیں۔

ایک اور سوشل میڈیا صارف نے آئی سی سی کی پرومو ویڈیو پر ردعمل دیا کہ شاید لوگ جے شاہ کو دیکھنے آئے تھے، اچانک کرکٹ کا میچ شروع کردیا گیا۔

برطانوی صحافی چارلی رینلڈز نے کہا کہ ویڈیو میں جے شاہ 11 مرتبہ دیکھائے گئے ہیں جبکہ ٹیسٹ فائنل کی فاتح ٹیم جنوبی افریقا کو بھی اتنی ہی بار دکھایا گیا ہے۔

صحافی پارل ریڈلے ویڈیو دیکھ کر لگ رہا ہے، ورلڈ ٹیسٹ چیمپئن شپ فائنل کے مین آف دی میچ جے شاہ تھے، ایڈین مارکرم بھی اسکرین ٹائم کے حقدار نہیں تھے۔