بھارت کا شبمن گل کو ٹی ٹونٹی ٹیم کی کپتانی بھی دینے پر غور

شبمن گل کو روہت شرما کی ریٹائرمنٹ کے بعد ٹیسٹ میں قیادت سونپی گئی تھی

جمعہ 15 اگست 2025 11:00

ممبئی (اردو پوائنٹ تازہ ترین اخبار ۔ 15 اگست 2025ء ) بھارتی سلیکٹرز شبمن گل کو ٹی 20 ٹیم کا بھی کپتان بنانے پر غور کرنے لگے۔

25 سالہ شبمن گل کو روہت شرما کی ریٹائرمنٹ کے بعد ٹیسٹ میں قیادت سونپی گئی، ٹیم نے انگلینڈ میں 2007ء کے بعد پہلی بار سیریز 2-2 سے برابر کرلی۔

(جاری ہے)

بھارتی بیٹر کی قائدانہ صلاحیتوں سے سلیکٹرز کافی متاثر دکھائی دے رہے ہیں، اس وجہ سے وہ انھیں ٹی ٹونٹی ٹیم میں واپس لانے کا سوچ رہے ہیں۔

اس کے علاوہ شبمن گل کو آئندہ ماہ یواے ای میں شیڈول ایشیاء کپ کے لیے کپتان بنانے پر بھی غور کیا جا رہا ہے۔