پاکستان ٹیم کا ایشیا کپ کیلئے بھارت جانے کا امکان نہیں، ذرائع پی ایچ ایف

جمعہ 15 اگست 2025 16:07

اسلام آباد (اُردو پوائنٹ اخبارتازہ ترین - این این آئی۔ 15 اگست2025ء)پاکستان ہاکی فیڈریشن (پی ایچ ایف) نے بتایا ہے کہ پاکستانی ہاکی ٹیم کا ایشیا کپ کے لیے بھارت جانے کا امکان نہیں ہے۔پاکستان ہاکی فیڈریشن کے ذرائع نے پاکستان ہاکی ٹیم کی پرو ہاکی لیگ اور ایشیا کپ میں شرکت کے حوالے سے بتایا کہ پرو ہاکی لیگ میں پاکستان ہاکی ٹیم کی شرکت سے متعلق فیصلہ 18 اگست تک متوقع ہے۔

(جاری ہے)

ذرائع کے مطابق پاکستان ہاکی فیڈریشن نے 18 اگست تک انٹرنیشنل ہاکی فیڈریشن کو بتانا ہے۔ذرائع نے بتایا کہ حکومت کی جانب سے اچھا رسپانس ملا ہے اور وزارت خزانہ سے میٹنگز جاری ہیں، ایک دو مزید میٹنگز ہوں گی اس کے بعد فیصلہ جائے گا۔ذرائع نے کہا کہ ایشیا کپ کے لیے بھارت جانے پر بھی باضابطہ اعلان دو تین روز میں ہو جائے گا تاہم ایشیا کپ کیلیے اس وقت بھارت جانے کا امکان نہیں ہے۔ذرائع نے بتایا کہ کھلاڑیوں کو بھی ایشیا کپ کے حوالے سے کچھ نہیں بتایا اور ایشیا کپ میں ہماری بھی کوئی دلچسپی نہیں ، پہلے اپنے ملک کو دیکھنا ہے۔