تائیکوانڈو چیمپئن شپ: طیبہ اشرف اور سُنبل فاطمہ نے 5 گولڈ اور ایک چاندی کا تمغہ جیت لیا

طیبہ اشرف نے تائیکوانڈو چیمپئن شپ میں تین گولڈ میڈل جیتے

ذیشان مہتاب جمعہ 15 اگست 2025 11:33

تائیکوانڈو چیمپئن شپ: طیبہ اشرف اور سُنبل فاطمہ نے 5 گولڈ اور ایک چاندی ..

کوالالمپور (اردو پوائنٹ تازہ ترین اخبار ۔ 15 اگست 2025ء ) تائیکوانڈو چیمپئن شپ میں پاکستان کی طیبہ اشرف اور سُنبل فاطمہ نے مجموعی طور پر 5 گولڈ اور ایک چاندی کا تمغہ جیت لیا۔

ملائیشیا میں تائی کوانڈو چیمپئن شپ کا انعقاد کیا گیا جہاں پاکستان کی طیبہ اشرف اور سُنبل فاطمہ نے شاندار کارکردگی کا مظاہرہ کیا۔

چیمپئن شپ میں 35 ممالک کے 6500 کھلاڑیوں نے حصہ لیا۔

چیمپئن شپ میں طیبہ اشرف اور سُنبل فاطمہ نے مجموعی طور پر 5 گولڈ اور ایک چاندی کا تمغہ اپنے نام کیا۔

(جاری ہے)

طیبہ اشرف نے تائیکوانڈو چیمپئن شپ میں تین گولڈ میڈل جیتے، طیبہ اشرف ورچوئل فائٹ، پیئر پومسے اور 49 کلوگرام فائٹ میں فاتح قرار پائیں۔

نجی ٹی وی جیو نیوز سے گفتگو میں نوجوان کھلاڑیوں نے کہا کہ پاکستانی خاتون ایتھلیٹس بھی کسی سے کم نہیں، وہ اولمپکس میں پاکستان کی نمائندگی کرنا اور گولڈ میڈل جیتنا چاہتی ہیں۔

اس کے علاوہ طیبہ اشرف نے کامیابی کا جشن پاکستانی پرچم لہرا کر منایا۔