آن لائن اکیڈمیز، ٹیوٹرز ،ڈیجیٹل سروسز فراہم کرنے والے افراد ،اداروں کو ٹیکس نیٹ میں لانے کا فیصلہ

بعض ٹیوٹر اکیڈمیز سالانہ دو سے تین کروڑ روپے کما رہی ہیں مگر ٹیکس نیٹ سے باہر ہیں‘ حکام ایف بی آر

بدھ 18 جون 2025 23:11

آن لائن اکیڈمیز، ٹیوٹرز ،ڈیجیٹل سروسز فراہم کرنے والے افراد ،اداروں ..

لاہور(اُردو پوائنٹ اخبارتازہ ترین - این این آئی۔ 18 جون2025ء)وفاقی حکومت نے آن لائن اکیڈمیز، ٹیوٹرز اور ڈیجیٹل سروسز فراہم کرنے والے تمام افراد اور اداروں کو انکم ٹیکس میں لانے کا فیصلہ کر لیا ۔ایف بی آر حکام کے مطابق ملک بھر میں ہزاروں آن لائن ٹیچرز اور اکیڈمیز ڈیجیٹل ایجوکیشن سروسز فراہم کر رہے ہیں جن کی آمدن کروڑوں روپے تک جا پہنچتی ہے۔

(جاری ہے)

حکام کا کہنا ہے کہ بعض ٹیوٹر اکیڈمیز سالانہ دو سے تین کروڑ روپے کما رہی ہیں مگر یہ ٹیکس نیٹ سے باہر ہیں۔نئی شق کے تحت آن لائن تدریسی خدمات،ویڈیو، آڈیو، میوزک اسٹریمنگ سروسز،کلائوڈ کمپیوٹنگ اور ڈیجیٹل اسٹوریج سروسز، آن لائن سافٹ ویئر ایپلی کیشنز، ٹیلی میڈیسن، ریسرچ و کنسلٹنسی رپورٹس، آن لائن بینکنگ، اکانٹنگ، آرکیٹیکچرل ڈیزائن، ڈیجیٹل کنسلٹنسی، ای کامرس پلیٹ فارمز اور آن لائن مارکیٹ پلیسز پر ٹیکس عائد کیا جائے گا۔