ایک موجودہ وفاقی وزیر کے پرتگال میں پراجیکٹس چل رہے ہیں، شبرزیدی کا انکشاف

مذکورہ وفاقی وزیر کنسٹرکشن کا کام کرتے ہیں اور ان کے پاس بہت بڑی سرمایہ کاری ہے؛ ساقب چیئرمین ایف بی آر کی گفتگو

ساجد علی ہفتہ 16 اگست 2025 15:44

ایک موجودہ وفاقی وزیر کے پرتگال میں پراجیکٹس چل رہے ہیں، شبرزیدی کا ..

اسلام آباد ( اُردو پوائنٹ اخبارتازہ ترین۔ 16 اگست 2025ء ) فیڈرل بورڈ آف ریونیو ( ایف بی آر ) کے سابق چیئرمین شبرزیدی نے انکشاف کیا ہے کہ ایک موجودہ وفاقی وزیر کے پرتگال میں پراجیکٹس چل رہے ہیں۔ صحافی مطیع اللہ جان کے پروگرام میں گفتگو کرتے ہوئے انہوں نے کہا کہ پرتگال میں فرق یہ ہے کہ آپ 20 کروڑ روپے کی سرمایہ کاری کریں اور صرف 7 دن وہاں رہیں تو آپ کو وہاں کی نیشنلٹی مل جایا کرتی تھی اور ہمارے اس وقت ایک موجودہ وزیر ہیں جو کنسٹرکشن کا کام کرتے ہیں، ان کے پاس بہٹ بڑی سرمایہ کاری ہے اور پرتگال میں ان کے پروجیکٹس چل رہے ہیں۔

ہمارے ایک موجود وفاقی وزیر جو کنسٹرکشن کا کام کرتے ہیں ان کے پاس بہت بڑی سرمایہ کاری اور ان کے پرتگال میں پراجیکٹس چل رہے ہیں شبر زیدی pic.twitter.com/fuOPCfVfdX
— Rizwan Ghilzai (Remembering Arshad Sharif) (@rizwanghilzai) August 16, 2025

سب سے پہلے مسلم لیگ ن کے رہنماء اور پاکستان کے وزیردفاع خواجہ آصف نے انکشاف کیا تھا کہ وطن عزیز کی آدھی سے زیادہ بیوروکریسی پرتگال میں پراپرٹی لے چکی ہے اور اب شہریت لینی کی تیاری کر رہی ہے، یہ سب نامی گرامی بیوروکریٹس ہیں، یہ مگرمچھ اربوں روپے کھا کے آرام سے ریٹائرمنٹ کی زندگی گزار رہے ہیں، بزدار کا ایک قریب ترین بیوروکریٹ چار ارب بیٹیوں کی شادی پر صرف سلامی وصول کر چکا ہے اور آرام سے ریتٹائرمنٹ کی زندگی گذار رہا ہے، سیاستدان تو ان کا بچا کھچا کھا تے اور چولیں مارتے ہیں، نہ پلاٹ نہ غیر ملکی شہریت کیو ں کہ الیکشن لڑنا ہوتا ہے، پاک سر زمین کو یہ بیروکریسی پلیت کر رہی ہے۔

(جاری ہے)

اسی حوالے سے سابق وفاقی وزیر فواد چوہدری نے پرتگال میں بیوروکریسی کی پراپرٹیز سے متعلق وزیردفاع خواجہ آصف کے انکشاف کی تائید کی، انہوں نے کہا کہ خواجہ آصف نے بہت اہم بات کی ہے کیوں کہ اسلام آباد، لاہور اور کراچی میں سول ملٹری بیوروکریسی کے نام زبان زدِ عام ہیں جنہوں نے پرتگال میں پراپرٹیز لیں، ان میں سیاستدان بھی ہیں، تمام گریڈ 19 اور اس سے اوپر کے عہدیداروں سے یہ حلف لیا جانا چاہیئے کہ ان کی یا ان کے قریبی خاندان کی بیرون ملک کوئی جائیداد یا انٹرسٹ نہیں ہے، غلط حلف نامہ ویسے ہی جرم ہے اور جن سیاستدانوں و بیوروکریسی کے نام پر باہر جائیداد ہے ان کو انتخابات لڑنے اور اہم عہدوں پر ہونے کا کوئی حق نہیں۔

خواجہ آصف نے بہت اہم بات کی ہے اسلام آباد ، لاہور اور کراچی میں سول ملٹری بیوروکریسی کے نام زبان زد عام ہیں جنہوں نے پرتگال میں پراپرٹیز لیں، ان میں سیاستدان بھی ہیں ۔ جن سیاسی اور بیوروکریسی کے نام پر باہر جائیداد ہے ان کو انتخابات لڑنے اور اہم عہدوں پر ہونے کا کوئ حق نہیں، تمام… https://t.co/UesOEcCSV0
— Ch Fawad Hussain (@fawadchaudhry) August 6, 2025