تہران میں آسٹریلیا، چیک ری پبلک کے سفارت خانوں کا آپریشن معطل

جمعہ 20 جون 2025 12:01

تہران (اُردو پوائنٹ اخبارتازہ ترین - این این آئی۔ 20 جون2025ء)آسٹریلوی وزیر خارجہ پینی وونگ نے کہاہے کہ سیکیورٹی صورتحال کے باعث تہران میں سفارت خانے کا آپریشن معطل کردیا ہے۔ میڈیارپورٹس کے مطابق پینی وونگ نے کہا کہ تمام آسٹریلوی عہدے داروں کو ایران چھوڑنے کی ہدایت کی ہے۔ان کا کہنا تھا کہ ایران چھوڑنے کے خواہشمند آسٹریلوی شہریوں کی مدد کررہے ہیں۔

(جاری ہے)

چیک ری پبلک نے بھی تہران میں اپنا سفارتخانہ عارضی طور پر بند کرنے کا اعلان کیا ہے۔چیک وزارت خارجہ کا کہنا تھا کہ مشرق وسطی میں کشیدگی، سیکیورٹی وجوہات پر سفارتخانے کی عارضی بندش کا فیصلہ کیا ہے۔دوسری جانب تل ابیب میں ناروے کے سفیر کی رہائش گاہ پر دھماکا ہوا ہے تاہم کسی کے زخمی ہونے کی اطلاعات ہیں۔خبر ایجنسی کے مطابق سفارتخانے سے رابطے میں ہیں، دھماکے کی وجہ معلوم نہیں ہوسکی ۔